|
|
 |
|
|
"Gurmadkii
Duufaanadii ka dhacay gobolka
Awdal mahada kobaad waxa iska leh
Xisbiga KULMIYE"Axmed Muxumed Geelle
Dacar ...MAr-30-2008
Hargeysa(Saylac.com) Axmed Muxumed
Geelle Dacar oo ku hadlayey magaca
Gobolka Awdal shirka Ururka KULMIYE uga
socda Magaalada Hargeysa ayaa hadalkani
ka soo yeedhay isagoo ula ujeedada ugu
weyn ee uu ka lahaa i ay ahayd bal inuu
isku dayo inuu sheego waxtar Xisbiga
KULMIYE uu ka geystey gobolka Awdal.
Ergooyinka ka soo qayb galay shirka
labaad ee xisbiga kulmiye ayaa
isweydiiyey tageerada uu xisbiga Kulmiye
gaadhsiiyey gobolka Awdal ee uu Dacar
sheegayo iyo goorta uu xisbiga kulmiye
tageero gaadhsiiyey dadyowga ku
tabaaloobay duufaanadii roobka watey ee
ka da'ay gobolka Awdal.
Dadaalkii ay qurbojooga ree Awdal u
galeen waxtarka dadkooda ma ay toosnayn
inuu Mudane Dacar u bedelo siyaasad
xisbi ka danbeysa waana arimo inbadan
soo ifbaxaayey in maaliyada xooga leh ee
qurojooga reer Awdal ay walaalahood ku
tageereen in urur dabada ku wata xisbiga
kulmiye uu isku magacaabey maantana ay
masuuliyiinta gobolka Awdal ee Kulmiye
ay ka dhigaan waxtar uu xisbiga kulmiye
soo gaadhsiiyey Gobolka Awdal.
Mudane Dacar waxa kale oo uu madaasha
shirarka xisbiga kulmiye kaga dhawaaqay
in uu mar labaad xisbiga kulmiye ugu
mahadcelinayo ka qayb qaadashadii
kharashkii lagu soo dhoofiyey maydka
marxuum Xasan sheekh Muumin oo uu Dacar
sheegay intiisa badan inay keneen
tageerayaasha xisbiga kulmiye ee dibada
ku dhaqani.!!
Dhinaca kale Mudane Dacar wuxu
dhaleecayn dhabarka ka saarey
Madaxweynaha Jamuuriyada Somaliland
Mudane Dahir Rayale Kahin iyo xukumada
uu hogaanka ka yahay oo uu ku tilmaamay
inay masuul ka yihiin waxa uu ugu
yeedhay dhalinyaro aan lasoo koobi karin
oo Gobolka Awdal maalin walba tahriib
dibada uga baxda isla marnaana da'yacay
waxbarashadoodii, lakiin muusan
faahfaahin sida tooska ah ee ay dawladu
lug ugu leedahay arinkaas.
Dacar oo hadalkiisa sii wata ayaa hoolka
shirka labaad ee kulmiye ka sheegay
inayna boorama joogin hal hay'ad ah oo
samafal u tarta dadka sababtana waxa ay
tahay ayuu yidhi xukumada somaliland oo
aan ogolayn in hay'adaha caalamiga ahi
ka hawl galaan Gobolka.
Hadaladan ayaa waxa u dhacay sacab iyo
sawaxan aan laqiyaasi karin isla
markaana ergooyin badan oo ka soo qayb
galay shirkan labaad ee kulmiye ay
hadalada Dacar ku tilmaameen "dhiiranaan
iyo Daacadnimo buuxda oo uu xisbiga
kulmiye u hayo"
Kulankan ay maanta yesheen xisbiga
kulmiye ayaa marka la isku soo wada
duubo u badnaa canaan iyo dhaleecayn ay
u soo jeedinayaan xisbiga talada haya ee
UDUB oo ay ku tilmaameen inuu khalad la
kawsaday walina ku jiro musuqmaasuq
xadhkaha goostey oon maaro loo heli
karin.
Ergooyinka kale ee ka socday gobolka
Awdal ee ka hadlay shirka waxa ka mid
ahaa :Cabdilaahi Xaashi Abiib oo ah
aqoonyahan ka mid masuuliyiinta xisbiga
e dalka Maraykanka, ayaa isaguna yidhi:
“Waxaan u imi shirweynahan Xisbiga
Kulmiye, anigu waxaan ahay nin wadankan
u dhashay oo Tobankii sano ee ina soo
dhaafay wadanka wax u qabtay.
Waxaan keenay wax Alle waxa yaalay
jaamacadda Camuud ama wixii maaliyad loo
samaynayo, markaa guushii aanu taas ka
gaadhnay waxay noo fududaysay inaanu ka
gun-gaadhno sidii gobollada dalka oo
dhan wax loogu qabto. Waxaanu keenay
miisas, kuraas, qalimo iyo waxyaale
kale. Waxa maanta na soo gaadhay
Koontiinarkii 30-aad. Qalabka aan
wadanka soo gaadhsiiyay ilaa 20 Milyan
oo Dollar, waxa iminka foodda innagu soo
haya Markab raashiin ah Bariis, Daqiiq,
Baasto iyo waxyaale kale oo aan ugu
talo-galay abaaraha wadanka ka dhacay.
Waxa uu damiirkaygu ii saamixi waayay
markii aan Siilaanyo sheekaysanay,
waxaan isku dayaa inaan Siilaanyo gacan
ka siiyo sidii uu wadanka uga saari
dhibaatada ka jirta hogaankana gacanta
ugu dhigi lahaa, aniga oo aan u eegayna
gobolka iyo meesha uu ka yimi lakiin og
daacadnimada iyo inuu isaga kaliya ahi
wadankan aqoonsi uu horseedi karo.
Anigu waxaan rabaa aniga oo qof keliya
ayaa waxaa qabtay. Waxaan idiin
balan-qaadayaa degmo kasta oo gobol
kasta ka tirsan inaan keeno qalabka ugu
dambeeyo ee dadka lagu daweeyo. Waxaan
idiin balan qaadayaa lacagta lagu
dawaynayo cudurada TB-da, Malaariyada
aanu keeno annagu iyada oo aan dawladu
bixinayn inaan anigu keeni doono.!!
Waxaan idiin balan-qaadayaa haddii
Xisbiga Kulmiye ku guulaysto doorashada
laga dhigo bilaash waxbarashada. Haddii
aan doorashada ku guulaysano waxaanu
balan-qaadaynaa in iskuul kastaaba
yeesho Computer Lap.!!
Hadaladan amaanta iyo hamiga ku dhisan
ayey ergooyinkii ka soo qayb galay
isweydiiyeen waa sidee labada ergo ee ka
kala socota gobolka awdal ee midna ka
hadlayo dhibaato joogta ah iyo
dhalinyaro camal la'aan u tahriibaysa
iyo abaaro midna uu barwaaqo iyo
malaayiin doolar inuu isagu kaligii
keenayo uu ka hadlayi!! qosol hoose iyo
gunuunuc ayey hadba inta is garab
fadhidi dhegta iskugu qabanaysey waayo
hadalada Cabdilaahi Xaashi Abiib
sheegayo xataa dawlad Afrika ku taala
ayaana awoodin iskaba daa qof ka soo
jeeda Gobolka ugu hanti iyo dhaqaalaba
yar gobolada Soomaaliland oo ah Gobolka
Awdal.
Dhinaca kale Gudoomiye ku xigeenka
Xisbiga kulmiye Mujaahid Cabdirahman
Axmed Cali ayaa hadaladaa labada nin ee
Gobolka Awdal uga hadlaayey madaasha
shirka xisbiga kulmiye ku tilmaamay "Hadaladii
hawlwadeenadii kacaankii Afweyne" waxana
uu Cabdirahman Axmed Cali intaa ku daray
xisbiga kulmiye siyaasadiisu inay ka fog
tahay hadalo xamaasad iyo kacaanimo ku
dhisan lakiin uu xisbiga kulmiye uu
bilawgiisii ku hawlgalay halgan iyo
dhiig la daadiyey hadana diyaar uu u
yahay inuu helo rag taasi ka go'an tahay
oo naftooda iyo maalkooda u hura sidii
dadweynaha somaliland u hanan lahaayeen
aqoonsi iyo horumar waara . Mujaahid
Cabdiraxman oo hadalkiisa sii wata ayaa
sheegay inuu marka hore aad ugu
mahadinayo ciidamdaa Qaranka ee ku sugan
Bariga Gobolka Sool marka labaadna
shacabka somaliland ee la garab taagan
hiil iyo hooba. " Ninkii wadanka wax
keenaya waa laga sugayaa isagoon cidna
amaan gacmaha hoos hoorsan" ayuu
hadalkiisa ku xidhay Mujaahidku.
Ismael Warsame (Ismacil computer)
Saylac.com
Hargeysa- Somaliland
|
|
|
|
- To Submit Information Click Here -
|
|
