|
Madaxweeyne
Cabdilahi Yusuf: “Nimanka soo duulay oo Maamulka
Riyaale uu hoggaaminayo laga aqbali-mayo dalka in ay
kala gooyaan
Baydhabo( Saylac.com)
Shir Jaraa'id oo uu maanta qabtey madaxweynaha
Dawlada Kumeelgaadhka ah ee Soomaaliya Cabdilahi
Yusuf Axmed ayuu wuxuu si kulul carabja ugu dhuftay
arimimo ku saabsan gobolka sool. Madaxweynaha oo ka
hadlay arimo dhawra ayaa wuxuu sheegay inuu
caafimaadkiisu aad u fiican yahay dawooyin fiicana
uu qaadanayey dhawrkii usbuuc ee inaga tagay.
Cabdilahi Yusuf ayaa waxa kale oo shirkan Jaraa'id
ku sheegay inuu warbixino dhawra ka dhagaystey xubna
sarsare ee dawladiisa bal si ay uga waramaan xaalada
guud ee dalka ku sugnaa mudadii uu dibada kaga
maqnaa . Waxa kale oo uu sheegay inuu aad ugu
kalsoon yahay dawladiisu inay amaanka muqdisho u
sugi doonta sida ugu dhakhsiyo badan .
Maruu ka hadlaayey in wali rabshado ka aloosan
yihiin magaalada Muqdisho, wuxuu sheegay
madaxweynuhu inay tahay dhab cid kastina ay ogtahay
arimaha ka dhacaya muqdisho, lakiin ay dawladiisa ka
go'an tahay inay amaanka iyo kala danbaynta kusoo
dabaalaan magaalada Muqdisho iyo nawaaxigeedaba.
Intaa wuxuu ku daray Madaxweynuhu in ay dawladiisu
qaadi doonto qorshe amaanka lagu sugayo gobolada
koonkureed ee dalka soomaaliya oo aan xooga
dawladiisu aanay sidaa u gaadhsiisneyan marka laga
reebo magaalada Muqdisho oo uu tageero weyn ka helo
ciidamada Itoobiya ee kusoo duulay wadanka
soomaaliya si ay ula dagaalamaan isbaahaysiga
Islaamiga ah ee soomaaliyeed.
Isagoo hadalkiisa sii wata, wuxuu Cabdilahi yusuf
amaan gaar ah usoo gudbiyey RW Cade oo uu ku
tilmaanay inuu awood iyo khibradba u leehaya inuu
dawlad adag oo tayo leh dhawaan soo dhiso, Marka uu
hadalkaa sheegayey Madaxweyne Cabdilahi Yusuf waxa
dhinac taagnaa RW Cade laftiisa oo dhawaan la filayo
inuu dhawlad soo dhisi doono.
Shirkan Jaraa'id ee uu maanta qabtey Madaxweyne
Cabdilahi yusuf ayaa uu ku soo beegmay sanadka cusub
ee 2008 oo maanta kawsaday iyo rabshado aan kala go
lahayn oo ka taagan magaalada magaalada muqdisho,
rabshadahaas oo dhimasho iyo dhaawacba u geystey dad
rayid ah oo degan magaalada Muqdisho.
Sidee Boosaaso looga dareemay Hadalkan maanta ka soo
yeedhay Madaxweyne Cabdilahi yusuf...?
Bosaaso (saylac.com)- Hadalkan maanta ka soo yeedhay
Madaxweynaha Dawlada kumeelgaadhka ah ee soomaaliya
Cabdilahi yusuf Axmed ayaa si aada looga soo
dhaweeyey magaalada Boosaaso dadkuna aad moodo inay
ku diirsadeen iyagoo dhawaanahanba ay jireen eedaymo
dhawra oo mudanayaal ka tirsan baarlaamka dawlad
gogoleedka puntland ay u soo jeediyeen Madaxweynaha
DG Puntland Cade Muse oo ay ku dhaliilayeen
waxkaqabasho la'aanta gobolka sool oo faraha u galay
Jamuuriyada soomaaliland.
Maraan Saakay socdaal ku tagay farasmagaalaha
Boosaaso ayaan indhahayga saaray dad iskula
dhexmaraya hadalkan maanta uu soo jeediyey Cabdilahi
Yusuf ee ku wajahan khilaafka Gobolka Sool 'dhawr
qof oo kala duwan ayey saylac.com waraysi la
yeelatey bal fikrada ay ka qabaan hadalkan Cabdilahi
yusuf maanta uu ku weerarey Jamuuriyada Soomaaliland
ee ku wajahan Sool waxayna badankoodu isku raceen in
cabdilahi yusuf yahay dagaalyahan ay jecel yihiin
awoodna u leh inuu gobolka sool kusoo celiyo
ismaamulka Puntland. dadkan laba qof oo kaliya ayaa
sheegay inay aaminsan yihiin Cabdilahi inuu ku
khaldan yahay hadal qaadka gobolka sool ayna dani
ugu jirin in khilaaf kale uu ka dhex abuuro gobolada
puntland iyo Somaliland.
Raadiyaha Magaalada Garoowe ayaa dhawr jeer ku
celceliyey maanta shirkan jaraa'id ee uu cabdilahi
yusuf kaga waramay arinta sool Raadiyuhu waxa kale
oo uu sheegay in caafimaadka Madaxweyne Cabdilahi
yusuf uu yahay 100% hawshiisa madaxweynenimana uu si
kartile u qaban doono dhawaan . Sawirada maanta laga
soo qaaday madaxweynaha oo jaraa'idada Boosaaso boga
hore kaga sawirnaa ayaad ka dareemaysey inay ka
muuqato daal iyo tamaryari uu ku reebay xanuunkii
dhawaan haleelay madaxweynaha .
Dhinaca somaliland ayaanu wali hadal jawaab ahi ka
soo bixin balse waxa la filayaa dhawaan inay jawaab
kulul ka bixin doonaan hadalkan cabdilahi maanta la
dul koray.
Siciid Axmed ( siciid ingineere)
Saylac.com- Bosaaso
|
