Markab nuuca dalxiiska ah
oo uu faransiisku leeyahay ayaa niman hubaysani
ku qafaasheen gacanka Cadmeed ee dalka
soomaaliya.
April-05-2009
Djibouti(Saylac.com) Markabkan ayaa waxa saarnaa
30 qof oo dadkii ka shaqaynayey ah oo uu ku jiro
mulkiilahii marlabku. Markabkan ayaa waxa uu
marayey xeebta soomaaliyeed wax rakaab ahina
muusan saarnayn goorta la qafaashay . Xeebta
Soomaaliyeed ee uu markabkani maraayey ayaa lagu
tilmaamaa inay tahay xeebaha ugu halista badan
ee aduunka iyadoo ay waliba ilaalada Ciidamada
Bada ee maraykanku ay goorwalba indha-indheeyaan
xeebaha dalka soomaaliya gaar ahaan halka hada
lagu qafaashay markabkan faransiisku leeyahay.
Goobtan ayaa horey in ka badan 20 markab ay ugu
qafaasheen ragan hubaysey ee badaha u fadhiista
afhayeen faransiis ah oo magaciisa la yidhaa
Christopher Prazuck ayaa sheegay in aanay wax
rasaas ahi ka dhicin qafaalashada markabkan,
sidoo kale Ra'iisul wasaaraha dalka Faransiiska
Francois Fillon ayaa arintan ku tilmaamay
badgooye qaawan oo halis ah.
Raiisul wasaaraha faransiiska ayaa waxa uu intaa
ku daray in saacadaha soo socda ay balan
qaadayaan in ciidamada faransiisku ay xoog kusoo
furan doonaan markabka la afduubay isla markaana
heegan sare la galiyey ciidamada bada ee
faransiiska ee fadhigoodu yahay djibouti.
Markabkan dhismahiisu ka koobnaa
laba dabaq ayaan ilaa hada la ogayn meesha lala
tegay iyo xaalada shaqaalihii saarnaayi ay ku
sugan yihiin.
Osman Hussein
Saylac.com
Djibouti- Djibouti
|
