Dawlada Itoobiya oo ku eedaysey in Masuuliyiin sarsare oo ka tirsan xisbiga Kulmiye ee Mucaaradka somaliland ay cilaaqaad hoose la leeyihiin  Jabhada Xoraynta Ogaadeeniya (Ogaden National liberation Front ONLF). April,06,2008 Addis (Saylac.com) Sarkaal sare oo ka tirsan ciidamda Itoobiya ee Bariga Itoobiya ayaa saylac.com u cadeeyey inay dawlada Itoobiya si qotodheer ula socon doonto Doorashooyinka ka dhici doona Jamuuriyada Somaliland. Sarkaalkan ayaa waxa uu sheegay in Dawlada Itoobiya ay si gaar ah u danaynayso xasiloonida iyo deganaanshaha Jamuuriyada Somaliland oo uu sheegay inuu dhaqaalaha Itoobiya ku xidhan yahay. Sarkaalkan ayaa saylac.com u cadeeyey in Dawlada Itoobiya ay ka go'an tahay inay si xoogleh uga hortagi doonto qalalaase kasta oo ka dhaca Jamuuriyada Somaliland waaba hadii ay dhacaane. Sarkaalkan oo diiday in magaciisa la sheego ayaa waxa kale oo uu carabka ku dhuftay in Markasta oo uu dhaqdhaqaaq doorasho ka dhacayo Jamuuriyada Somaliland ay ciidamada Itoobiya ee Kililka shanaad ku sugani ay heegan galaan xadkana la soo dhoobi doono si hadii danaha Itoobiya ay ka leedahay somaliland wax arqalad kalin karaa i uu dhaco ay uga hortagaan. "Doorashooyinkii hore ee ka dhacay Jamuuriyada Somaliland ciidamada Itoobiya ee aan keenay xadka u dhexeeya Somaliland iyo Itoobiya waxay dhanaayeen 1300 askari oo hubaysan lakiin sanadkan xiisada doorashada oo aad usaraysa awgeed waxaanu kusoo biirin doonaa 3400 " ayuu yidhi sarlaankani mar uu saylac.com tafaasiil dheeraada oo xaga xarakaadka ciidamada Itoobiya ee la soo dhoobi doono ka hadlaayey. Sarkaalkan oo uu waramaayey Wariye Cabdi Wali wariyaha saylac.com ee Itoobiya ayaa waxa kale uu sheegay inay dawlada Itoobiya iyo Dawlada Somaliland ay leehiyiin xidhiidh qoto dheer oo dhaqaale iyo mid siyaasadeedba. Waxa kale oo uu intaa raaciyey in Ra'iisul wasaaraha Dalka Itoobiya aanu marnaba aqbali doonin in koox mucaarad ku ah dawlada somaliland ay isku daydo inay mijo xaabiso deganaanshaha iyo nabada ka jirta Jamuuriyada somaliland isagoo kooxahaa ula jeeday xisbiga Kulmiye oo dawlada Itoobiya uga shiki qabto inuu xidhiidh hoose la leeyahay Jabhada xoreynta Ogadeeniya oo iyagu halkan qadhaadh oo isbiimayn ah kula jira Dawlada Itoobiya. Xidhiidhkan ka dhexeeya labada urur ee mucaaradka ah waa Kulmiye iyo ONLF ayaa waxa uu bilawday wakhti hada laga joogo lix sanadood waxaanu soo shaacbaxay ka dib markii ay dawlada Somaliland sanadkii inaga tegay qabqabtey xunbo ururka OLF ka tirsan oo shirar qarsoodi ah kula lahaa magaalada Hargeysa hogaamiyaha xisbiga kulmiye Mudane Axmed Maxamed"Siilaanyo", kulamadan ayaa badankoodu waxay ku saabsanaayeen sidii hub qarsoodi ah oo qiimahooda lagu qiyaasay $449,000 ay masuuliyiin sare ee ka tirsan xisbia kulmiye uga noqon lahaayeen wakiil si looga soo dejiyo dekada Berbera ka dibna loogudbiyo Kililka shanaad si gacanta looga galiyo Jabhada Xoraynta Ogaadeediya. Lacagtan badankeeda ayaa waxa bixiyey maalqabeeno ka soo jeeda kililka shanaad  oo degan wadamada dibada ,hase yeeshee ay suurto gali waydey ka dib markii sirdoonka Jamuuriyada Somaliland oo kaashanaya sirdoonka Dalka Itoobiya ay dhexda u joogsadeen laguna qabqabtey afar xumbo oo ka tirsan jabhada ONLF oo markaa ku sugnaa magaalada Hargeysa sugayeyna inay mashruucan dhamaystiraan. Ragan ayaa markii danbe loo gudbiyey  dawlada Itoobiya . Arintan ayaana hada ka hor cidi aanay ka hadal ujeedada ugu weynina ay ahayd si loo daba galo xubno kale oo ka tirsan ururka ONLF oo looga shikisanaa inay lug ku leeyihiin arimahaas balse aan ilaa hadda la ogayn meel ay ku sugan yihiin. Sarkaalkan ayaa waxa uu sheegay oo kale in xasiloonida iyo deganaanshaha ay dawlada Somaliland u horseeday dadkeeda aanu jirin wax loo dhigo isla markaana uu dan guud u yahay gobolka oo dhan . "Dawlada soomaaliland maaha dawlad caalamku aqoonsan yahay waxana la gudboon shacabku somaliland marka hore taa inay  madaxa galiyaan , sidaa daraadeed hadii uu dagaal sokeeye ka oogsamo wadankani wuxuu ku burburi karaa hal usbuuc oo kaliya markaa inta aqoonsi wadanku helayo waxa dawlada Itoobiya ka go'an inuu wadankani somaliland ahaado mid nabad ah oo horumar dhinac walba ka sii gaadha lakiin aan u baahneyn xisbiyo mucaarad ah oo dadka kiciya xidhiidhna la yeesha ururada rabshadda ka doortey dimoqraadiyada sida ururka ONLF" ayuu hadalkiisa ku daray sarkaalkani. Sarkaalkan oo saylac.com u soo gudbiyey nuqul qoraal ah oo ku qoran afka Xabashiga ayaa waxa soo turjumey wariye Cabdi wali nuqulkan oo ku qoran afka xabashigana waxaad ka soo dalban kartaa saylac.com oo gacanta ku haysa decuments uu Sarkaalku ku cadaynayo hadaladiisa oo ah kuwa ay ku kaydsan qolka kaydinta qoraalada ee saylac.com. Dawlada Itoobiya ayaa dano weyn ku qabta deganaanshaha dalka somaliland iyadoo isticmaasha dekada weyn ee Berbera oo ay kala soo degto 25% raashin oo iskugu jira Mucaawinada Hay'adaha caalamiga ahi ku caawiyaan dalka Itoobiya iyo 13% oo ah Badeecooyin iyo Raashino kale oo Ganacsato Itoobiyaan ahi ay kala soo degaan dekada Berbera. Inkastoonan la xaqiijin karin hadana waxa tuhun ku sheeg dadku ku hasaawaan inay Itoobiya qalab milateri isagana marmar kala soo degto Dekada Berbera lakiin ma jiro wararkaasi wax cadayn ah oo la daba dhigi karo. Dawlada Itoobiya oo ka tusaale iyo khibradba qaadanaysa mashaqada ay lugaha la gashay ee ka taagan koonfurta soomaaliya ayaa waxa ka go'an inay ka hortagto in xisbi mucaarad ahi oo tiro yari khalal galin karo xasiloonida lagu gam'o ee ka taagan Jamuuriyada somaliland. Cabdiwali Maxamed Saylac.com Addis- Itoobiya

- To Submit Information Click here--