Qisooyin shirkii kulmiye ka dhacay oo ay saylac.com goobjoog u ahayd."Walee Gorgorkii Ama sheedo Ama xundub ku dhac".Hadraawi.

April-02-2008
Hargeysa(Saylac.com)- Abwaanka Caanka ah ee Hadraawi ayaa hadalkii soo afjarida shirka labaad ee kulmiye hadalo sarbeeb ah ka soo jeediyey. Abwaanka oo hadaladiisan siyaasiin badan oo xisbiga ku jira ku dhaliyey shiki iyo tuhun kalsoonida ay ka qabaan siyaasada xisbia iyo mustaqbalka fog halkuu ku danbayn doono.

Qisadan oo ahayd mid digniin, waano, tusaaleyn iyo sadaalinba iskugu jirtey ayaa abwaanku waxa uu uga digay xisbiga inay iska ilaaliyaan Gorgorka dharka dadka sita!

Wuxuuna ku bilaabay sidan: Bari hore ayaa colaadi dhexmartey laba belood meel la yidhaa Sheedo, qolo ayaa soo dirsatey nabad-doon, qolodii kalena waxay soo dirsadeen Gorgor dharkii dadka loo xidhay!.

Caruurtii adhiga la joogtey ayaa maalinwaklba aragta Gorgorkan kolba dhinac u socda ee aan la garanayn ujeedadiisa, maalintii afraad ayey Hooyadii caruurta dhashay intey duleedka u baxday ay ku aragtey Gorgorkii oo kolba dhinac dabaysha u raacaya dharkii dadka ee loo soo xidhayna dhinac ka lusho. Markaasay hooyadii intey dhabanka sacabada saartey ay tidhi "Walee Walee Gorgorkanow Ama sheedo Ama xundub ku dhac."

Abwaanka oo qisadan  ku hogatusaalaynaya ergooyinka xisbiga kulmiye ayaa yidhi" kulmiyoow waad dhamaysateen wixii dhaxdiina yaalay siduu doono haku dhamaadee khiyaamo iyo daacad labada waxaa inii hadhay loolankii madaxnimada Udub aad kaga badin lahaydeen, wax aad dadka u sheegtaana muu hadhin Been iyo Run wuxuu noqdaba.

Abwaan Hadraawi ayaa hadalo canaan ah usoo jeediyey niman shirka ka sheegay hadalo macaan oo balanqaadyo aan suurto gal ahayn dadka u sheegay si wajigooda loo barto wuxuuna hadalkiisa ku daray Abwaanku "Ictiraaf la sheego kuwa horaa ku liibaanay oo lagu doortay warshado waaweyn oo la dhiso, Badoo Malab laga dhigoo horaa loogu hawl galay dadku run mooyee Been Danbe loo sheegi maayo. Taa ogaado, gabagabana ayuu Abwaanku hadalkiisii ku soo xidhay iyadoo aad loo dhagysanayo walee Gor Gorgorkaasi Sheedo ku Dhac ama Xundub. Habeenkii islaantii halkii ay ka guurtay ayuu reerkii Sheedo Colkii soo galay.

kala soco qisooyin kale dhawaan  saylac.com

Dahir Axmed "Jirde"

Saylac.com

Hargeysa- Somaliland