Dareenka Shacabka Reer Jabuuti ka bixiyeen Gobolka Salal Mar-24-2008 Djibouti( Saylac.com) - Sheekada maanta ilaa shalay dadka ku dhaqan magaalada Jabuuti ay wadaan waxa ugu horeysa uguna badan  magacaabida gobolka Salal iyo sheekooyin sameeya siduu ahaan doono iyo waliba ujeedada ka danbaysa ee Dahir u magacaabay gobolkan. Hadii aanu soo qaadno majlisyada dadku ku kulmaan ayaad arkaysaa sheekada dadka wada fadhiya mijlisyadaa oo aragtiyo kale duwan ka bixinaya siday u arkaan Gobolkan Salal. Maxamed Sheekh Muuse oo ah qabiilka Ciisaha ayaa isagu qaba inuu waligiiba sugayey in gobol ka madax banaan Awdal ay yeelato Magaalada Saylac oo sida uu sheegay ah degaan ciise ku badan yahay. Maxamed waxa kale oo uu saylac ku tilmaamay ina noqon doonto meel ay dhamaan beesha ciise ee degan magaalada Jabuuti ay maalgashan doonaan si ay uga soo baxdo shuruudaha lagi xidhay inay goboladan cusibi kasoo baxaan si ay uga jaan qaadaan goboladii kale ee horey u jiray. "dadkayagii halgankii lagula dagaalamayey siyad bare ku dhintey maanta ayaan ilaawaynaa mar hadii saylac ay noqotey Gobol ka madax banaan Gobolka Awdal" ayuu yidhi Maxamed. Dhinaca kale sheekadu aad ayey uga duwan tahay, waxana isna hadalka la booday Ilyaas Cumar (waylcad) oo soo jeeda Beesha Samaroon ee degan magaalada Jabuuti wuxuuna gabi ahaanba beeniyey hadaladaa uu maxamed la shir yimid oo uu Ilyaas ku tilmaamay inayna waxba ka jirin Gobolkan Cusub ee Salalna uu yahay mid usoo kordhay Beesha Samaroon ee iyagu degan Somaliland " Ma diidani in xoolo dhaqato beesha ciise ahi ay xoolohooda usoof geyaan kulka balaadhan ee loo yaqaan Giriyaadka lakiin anigu uma arko in shacab dhul sheegan kara oo ciisa ahi ay degan yihiin Somaliland" ayuu yidhi Ilyaas . Dhinaca kale Madaxda Dawlada Jabuuti ayaa iyagu aan wax macno ah u arkin gobolkan cusub "Wasiirka Arimaha gudaha ee Dawlada Jabuuti mudane Gueda Mohamed Ahmed ayaa saylac.com u sheegay inuusan laba socon gobolkan iyo guud ahaan somaliland waxa ka dhacayaba wuxuuna wasiirku intaa ku daray inayna wanaagsanayn in la hadal hayo dawlad aan la  (Wasiirka Arimaha Gudaha ee dalka Jabuuti Mudane Gueda Mohamed Ahmed) aqoonsan waxa ay wado ayuu yidhi wasiirku. Nuur Madar oo isna ah taksiile ka shaqeeya magaalada Jabuuti ayaa saylac.com u sheegay inuu aaminsan yahay dhibmooyee inayna wax faaiido ah usoo wadin gobolo la magacaabo waxa kale oo intaa ku daray Mr. Madar inay magacaabida Dahir Rayale uu magacaabay Gobolo Cusub ay la mid tahay xukunkii cagajiid ahaa ee Siyad Bare oo gobolo iyo degmooyin magacaabi jiray si dadka soomaalida ah uu iskaga horgeeyo ama u tageeraan. Guud ahaan markaad isku soo wada afgoyso waxaad arkaysaa dadka, Siyaasiinta, Culimaa udiinka, Haweenka, iyo dhamaan dadweynaha degan magaalada Jabuuti oo nuucwalba lehi inayna ka raali ahayn gobolo kale oo ay somaliland qaadi karto wakhtigan xaadirka ah oo lagu jiro muran siyaasadeed iyo abaaro isdaba jooga oo ka taagan guud ahaan gobolada Somaliland. Osman Hussein Saylac.com Djibouti- Djibouti

- To Submit Information Click Here -