Qoraalkan oo si cad u qeexayey eedaymaha loo soo jeediyey Taliyahu inay yihiin kuwa sal iyo raadtoona lahayn isla mar ahaantaana laga been abuuray Taliyaha oo sida dadku wadda ogyihiin lagu amaano nabadsugida iyo deganaanshaha ay ciidamada uu madaxda u yahay dhawr iyo tobankii sano ee inaga tegay ka fuliyeen xeebaha Gobolka Salal iyo Awdal ayaa ah kuwa dadbadani ay dhegaha faraha qabsadeen qaadana waaween..


Maxamed Ibrahim Cige oo ka mid ah ganacsatada degaanka Geerisa ayaa isna saylac.com u sheegay in aanu ganacsigiisu suurto galeen hadaanay Ciidamada Qaranka ee Geerisa degani amaanka sugin " Taliye Maxamed Xudhuun wuxuu naga mudan yahay mahadnaq iyo abaalmarin cidwalba oo dhaleecayn been abuur ah kula kacdana waanu ka horjeednaa ayuu hadalkiisa ku daray ganacsade Maxamed"

Qoraalkan ayaa waxa kale oo uu si cad uga hadlay inay ciidamada Qaranka ee Xeebaha Salal iyo Awdal marnaba ogolaan doonin siyaasad qabiil ku dhisan oo laga soo diro wadanka Jabuuti kuwa hamigoodu yahay inay dadka qas iyo qabyaalad dhex dhigaana la marsiin doono sharciga Jamuuriyada Somaliland u degsan.

Sidoo kale Taliyaha Booliska Degmada Saylac ayaa isna eedaymahan ku tilmaamay kuwa afku ka xishoodo oo runta ka fog. "Taliyaha cidamada Qaranka xeebaha Awdal iyo salal Taliye Maxamed Xudhuun waa halyey wadani ah qaranimada somaliland cidii diidani ha tageen wadamada kale ee
ay u fataalayaan ayuu hadalkiisa ku daray

Taliyaha Booliska degmada saylac oo ka hadlaayey eedaymaha aan geedna loogu soo gaban ee lagu aflagaadeeyey Taliye Xudhuun.

 >>halkan ka akhri eedaymaha loo soo jeediyey Taliyaha

Afhayeenka 
Taliyaha Ciidanka Qaranka ee Xeebaha Awdal iyo Salal ,

Cabdirisaq Yoonis
Asha-Cado, Salal, Somaliland