|
|
 |
|
|
Dr Cumar Cilmi Dixood oo
ah Mujaahid usoo dagaalamay Jabhadii SNM ayaa
shirweyihii Kulmiye ku hadlay erayo cay qabiil
ah oo ergooyin lagu qiyaasay 78 ay ka baxeeb
hoolkii shirku ka dhacaayey.
April-03-2008
Borama ( Saylac.com) Dr. Dixood oo ah raga
mayalka adag leh ee ka sii hadhay ururkii la
odhan jirey SNM ayaa afka gacanta iska galiyey
mar uu ka hadlaayey shirweynihii labaad ee
xisbiga kulmiye isagoo ka hadlaya tariikhda SNM
iyo halgankii ay soo mareen ayaa Dr Dixood mar
kaliya uu iskala garan waayey oo uu ku fogaadey
qabiilka Samaroonka uu ku tilmaamay inay si dhib
yar u dhaxleen midhihii SNM ay dhiiga u hurtey.
 Dr
Dixood ayaa hadaladiisa waxa ka mid ahaa isagoo
aabad moodo inuu Daahir Rayale garab taagan
yahay fartana ku fiiqaya" Waar Daahir Na dhaaf
hadii kale waad garan 1991 kii sidaad u jabteen
een idiin eryaney ee aad tiinka dabada u
galiseen maantana tii tu la mida ayaa idiinsoo
dhaw" hadaad na dhaafi waydana adiga iyo
tolkaaba sida looga shaqeeyo waan naqaanaa!!
Erayadan ayaa ergooyinkii shirweynaha ka soo
qayb galay ku noqotey amakaag iyo anfariir
iyadoo ay badankoodu shirka iskaga baxeen marka
laga reebo dhawr ergo oo ay ka mid yihiin Eng
Cabdiraxman Saylici, Pro Cabdi Xaashi Abiib iyo
kuwa kale.
Aniga oo ah Wariye Dahir Axmed "jirde' Waxaan ka
mid ahaa dadkii ka baxay hoolka shirka ee ka
cadhooday erayada qaawan ee uu Dr. Dixood kaga
dhawaaqay hoolka shirka. sidoo kale waxa ka
baxay dad kale oo ka soo jeeda Beesha Isaaqa oo
iyagu u arkay inuu Dr. Dixood khalad weyn ku
jiro .
Saacad ka dib ayaa dadkii laga daba tegay loona
sheegay gudigii shirgudoonku uu fadhiisiyey Dr.
Dixood ee ay ku soo laabtaa hoolka shirku ka
dhacayey.
Hadaba soomaalidu waxay tidhaa wixii uurka ku
jira Afkaa kaa xada ee maxaad ku tilmaami kartaa
nacaybka intan leeg ee uu Dr. Dixood ku talo
galay inuu maqashiiyo ergooyinka ka socda
Gobolka Awdal iyo gobolka Sool oo uu
runtii ku dhego hadlaayey ilayn Dahir Rayale
meesha ma joogine.
Taasi waxay idin tusaysaa nacaybka qabiilku
dhaamiyey ee qaar ka tirsan xisbiga kulmiye ay u
qabaan beelaha hareeraha Jamuuriyada
Soomaaliland dega oo ah lugta kaliya ee ay
kulmiye ku talaabsado la'aantoodna xisbigani uu
bari hore kala yaaci lahaa.
Waxase la yaableh ergooyinkan ka socday gobolka
Awdal ee dhegahooda ku maqlaya cayda loo miisayo
sida ay uga damqan waayeen uguna biiri waayeen
ergooyinka kale ee ka kacay shirka .
Dadnimadu maaha jago raadis aan sharafi u
laabnayn ee waxa haboon in damiirku mar'uun uu
ku tuso dadkan kula mid inaad ka diidin
dhacdhaca iyo aflagaado loo geysto dadkaaga mida
kale ku darsoo caydan qaawani horey umay dhicin
mudadii uu Mujaahad Cabdiraxman uu ku dhex jiray
ragan mayalka adag ee kulmiye inay Daahir cayaan
mooyaane Qabiil cay qaawan tanaa u kow ah waana
dariiq furmay ee halala xisaabtamo kuwa dadka
kala fogaynaya ee qabiil kusoo halqabsanaya iyo
kuwa dhegahoodu hoos raariicinaya ee aan ka
hadlayn labada.
Dahir Axmed Jirde
Saylac.com
Borama- Somaliland |
|
|
