Musharaxa madaxweyne ku xigeen ee xisbiga kulmiye Pro. Ismaciil Muumin Aare oo saylac.com uga waramay arimo kusaabsan habsami usocodka shirka...Mar-30-2008    Daawo sawirada Hargeysa(Saylac.com) Shirweynaha labaad ee xisbiga mucaaradka Kulmiye ayaa galay maalintii labaad isla markaana u socda sidii loogu talo galay iyadoo ay ka soo qayb galeen ergooyin aad u tiro badan oo kakala yimi wadanka dibadiisa iyo gudihiisaba. Kulanka maanta ayaa wuxuu ku bilawday jawi caafimaad qaba iyadoo ay ka hadleen ergooyin kala duwan oo kakala socda gobolada jamuuriyada somaliland. Saylac.com ayaa waxay hoolka shirku ka dhacayo ee Amasador Hotel ay kula kulantey xubno ka tirsan xisbiga mucaaradka ah ee Kulmiye oo uu ka mid yahay Musharaxa Jagada Madaxweyne kuxigeenka Pro. Ismaciil Muumin Aare oo nooga waramay rajada uu ka qabo shirkani inay ka soo bixi doonto iyo waliba arimo kale waxanu ku jawaabay sidatan: Marka hore aad ayaad ugu mahadsan tihiin inay saxaafada gobolka Awdal ay ka soo qayb gasho kulankan taariikhdiga ah ee xisbiga kulmiye maanta u fadhiyo waanan idin salaamayaa- Salaan kadib runtii kulankani waa kulan rajo weyni ka muuqato rajadaas oo aan kali ku ahayn guul u soo hoyatey xisbiga kulmiye balse ah mid guud ahaan umada soomaaliland usoo hoyatey dhamaanteed, Kulankan in mudo ah ayaa la abaabulaayey waana ilaahay mahadii inuu sidii loogu talogalay u socdo waxaanan ilaahay ka baryayaa inuu guul ku dhamaan doono qodobo dhaxal gal ahina ay ka soo bixi doonaan. Saylac.com: Dhinaca dimoqraadiyada markaad isbarbar dhigtid idinka iyo xisbiga hogaanka dalka haya ee UDUB midkee u dhaw xaga dimoqraadiyada ayaad odhan kartaa? Pro. Aare: Dimoqraadiyada xisbiga kulmiye waa sida cadceeda oo kale wax la hadoodilana ma laha sida dawladda aad ogtihiin oo ku guul daraysatey inay fuliso xilkii umadu ku aamintey. Saylac.com: dhinaca ergooyinka iyo masuuliyiinta ka socota gobolka Awdal bal iyaga ka waran intee tiradoodu leeg tahay maxayse ka bedeli karaan xisbiga ay ka tirsan yihiin ee kulmiye? Pro Aare: Wali horey umay dhicin qadarka ergo ee ka socda gobolka Awdal ee maanta jooga kulankani, xataa waxay iskaga kala yimaadeen wadamada dibada sida USA. iyo wadamo kaleba, ergooyinka ka socda Awdal waxay la mid yihiin ergooyinka kale ee ka yimid gobolada dalka kaligoonka xisbiga wax kama bedeli karaan lakiin qayb ayey ka noqon karaan figradaha wanaagsan ee looga fadhiyana waa la tixgalin doonaa waana la fulin doonaa. Saylac.com: Xisbiga kulmiye waxyaabaha uu ka badeli doono Jamuuriyada soomaaliland hadii uu qabto talad wadanka wax maad nooga sheegi kartaa? Pro. Aare: Waxyaabaha ugu horeeya ee aanu niyada ku haynaayi waxa ay yihiin shaqo la'aanta ku habsatey dhalinyarada, shaqooyin ayaanu abuuri doonaa, xaga amaanka , iyo horumarinta arimaha qoyska. Saylac.com: Dhaqaalaha aad ku abuuraysaan shaqooyinka xageed ka keenaysaan? Balamahaase sideed uga baxaysaan hadii dhaqaale xumadan wadanku ku jiro oo aan la aqoonsan mudada aad taladda wadanka haysaan? Pro. Aare: Horta dawladu hadii ay dadkeeda daacad u tahay shaqo way abuuri kartaa dadkana way maal galin kartaa gaar ahaan da'yarta intay jaamadahii dhameeyeen gidaarada hogan ee aan hayn wax camala oo ay qabtaan. dhaqaalaha wadanka abuuro sida cashuuraha , iyo ganacsiga caalamiga ee uu wadanku la leeyahay aduunka intiisa kale iyo waliba deeqaha gargaarka ah ee laga helo wadamada dibada hadii si daacad ah loo maareeyo waxay ka badanyihiin shaqo abuurid iyo wax u dhaw waana taa taan ku talo galay ee dibadaha waxaan ka sugaynaayi way yaryihiin. Saylac.com: Ugu danbayntii Pro. Maxay kuula muuqataa degmada magaalacad la siiyey ee lala garab maray Dilla oo 100 ka mudan in degmo la siiyo? Walaahi siday idinkaba idiinla muuqato ayuunbay aan iila muuqataa su'aashaasi waxay ku haboontahay in la weydiiyo Dahir Rayale sida uu go'aankaas u maareeyey. Aad iyo aad ayaad u mahadsan tahay Pro. Aare. Kaasi wuxuu ahaa Musharaxa Jagada Madaxweyne ku xigeenka ee Xisbiga Kulmiye Pro. Ismaciil Muumin Aare oo ay saylac.com kula kulantey hoolka shirka xisbiga kulmiye ka socdo ee Magaalada Hargeysa. Dahir Axmed "Jirde" Saylac.com Hargeysa- Somaliland

- To Submit Information Click Here -