Mar-29-2008

Dibouti( Saylac.com) In ka badan 75 qof oo soomaali aha ayaa ku xarqamay xeebaaha dalka Yemen, sidan waxa sheegay madaxda dawlada yemen. Masuul ka tirsan xukumada dalka yemen ayaa sheegay in dooni siday 250 qaxooti ahi ay ku degtey meel u dhaw xeebta degmada Abyan ee dalka yemen. Dadkii ka badbaaday oo tiradooda lagu qiyaasay 250 ayaa sheegay ina lagu qasbay inay doonida ka daataan ka hor intayna soo gaadhin xeebta halkaasna ay ku xarqameen dad badan oo isugu jira haween iyo ragba.

Dadkan ayaa ku socday dalal yemen si ay uga sii gudbaan dalalka carabta oo ay nolol iyo shaqo si ay ug ahelaan naftooda u halageen. Hay'ada qaramada midoobay u qaabilsan qaxootiga ayaa sheegtey in in ka badan 64 kun oo qofi ay kasoo qaxeen dagaalada maalinlaha ah ee ka socda magaalada Muqdisho dadka oo sida ay hay'adu sheegtey bishiiba lagu qiyaasay 20,000 inay kasoo qaxaan koonfurta soomaaliya. Dadkan intiisa badan ayaa waxay u soo qaxaan dalalka Yemen iyo Dalka Jabuuti.

Hay'ada ayaa intaa waxay ku dartey in 200 qof in ka badani ay maalin walba galaan Dalka Jabuuti iyagoo kasoo gudbaya Magaalada Lawyacado ee Gobolka Awdal ee xadka lawadaagta dalka Jabuuti si ay uga sii dhafaan dalka Yemen . Dadkan ayaa marka la qabto waxa lagu xereeyaa jeel yar oo ku yaala magaalada Obokh ee dalka Jabuuti oo ay hada ku xidhan yihiin dad lagu qiyaasay 240 qof oo soomaali ahi.

Dadka qaxootiga ah ee soo galaya magaalda Jabbuuti ee ka kala yimaada magalooyinka Hargeysa, Borama, iyo Jijiga ayaa badankoodu ay yihiin dad aan u dhalan somaliland oo ka soo qaxay koonfurta soomaaliya. dadkan waxa haga ama tahriibiya dad u dhashay soomaaliland oo u gudbiya magaalada Lughaya iyo saylac.