|
|
 |
|
| |
Xasuuqa Culimada ee ka
dhacay masjid Al-huda waa qorshe Itoobiya degtey in
tariikhda lagu daro dhacdooyin hore uga dhacay
Geeska Afrika.
April,27,2008
Addis(Saylac.com) Dhacdada naxdinta leh ee culimada
soomaaliyeed ciidamada Itoobiyaanku ay ku gawraceeni
waa mid ka indha cad sida dadka badankiisu u
haystaan. Baadhitaan ay shabakada saylac.com ku
samaysey sababta keentey inay bishan afraad ay
ciidamada Itoobiya ay gawracaan in ka badan 21
culimaa Udiin oo soomaaliyeed ka dib markii ay ugu
galeen masjidka Al-Huda ee Magaalada Muqdisho ayaa
waxa saylac.com u suurto gashay inay akhristayaasha
soomaaliyeed usoo bandhigto qorshe fog oo ay
itoobiya ka lahayd xasuuqan dhacay ee culimadan aan
waxba galabsan loo geystey Allaha naxariista jano
haka waraabiyee.
Sida uu sarkaal Itoobiyaan ah oo horey uga tirsanaan
jiray ciidamada Itoobiya oo magaciisa codsaday
inaan la sheegin xaga amaanka awgeed uu u
sheegay shabakada saylac.com in dawlada Itoobiya ay
ka shaqaynaysey inay tariikhda ku darto xasuuq
raadreeb ku noqda umada soomaaliyeed dhacdooyin hore
oo maalinta 19aad ee bisha afraad horey uga
dhacay wadamada Geeska afrika.
Sarkaankan Itoobiyaanka ah ayaa waxa uu saylac.com
horkeenay waraaq uu ku saxeexan yahay Sarkaal sare
oo qaabilsan ciidamada Bariga Itoobiya iyo
soomaaliya ka hawl gala oo sheegaysa in xasuuqan
lagu beego maalinta April,19 2008 masaajidkana lagu
laayo culimada soomaalida si raad murugo leh ay
soomaalidu ula wadaagto wadamada dhibtani horey usoo
martay oo kala ah:
Apri,19,1994 Wadanka Ruwanda ayaa waxa lagu
xasuuqay 800,000 oo dadka tutsiga ah
April,19,1936 Ciidamada Talyaaniga ayaa xoog
ku qabsaday magaalo madaxda Dalkii la odhan jiray
abasiiniya hadana loo yaqaano Itoobiya.
April, 19,2007 Diyaarada Boeing 737 ee dalka
Kenya oo sida rakaab dhan 114 qof ayaa ku dhacday
meel 5 Mayl u jirta magaalo madaxda Kamaroon ee
Douala .
April,19,1937 Boqor Hayle Salase ayaa waxa uu
lataliyihiisa soo hordhigay dhaqdhaqaaq uu ugu magac
daray Rastafar oo ujeedadiisu ahayd sidii geeska
afrika oo dhan loo gaadhsiin lahaa diinta
kiristaanka dawladaha reer yurubna ay ku tageereen
qaarkoodna uba arkayeen inuu yahay rasuul nabi ciise
usoo diray Geeska Afrika.
April,19, 179BC Boqor Mililik oo magaciisa
dhabta ahi ahaa Ebna la-Hakim, "Son of the Wise ayaa
waxa uu sheegay inuu yahay wiilkii nabi saleebaan
dhalay Boqorada Sheba ee yemena ay hooyadii ahayd
waxa kale oo uu sheegay inuu dagaal cad la gali
doono hadii ay jiraan dad geeska afrika degan oo
Itoobiya ka horyimaada danaheedu.
April,19,2008 Ciidamada Itoobiya oo fulinaya amar
lagu xasuuqo culimaa-Udiin Soomaaliyeed ayaa waxay
galeen Masjidka Al- Huda ee Magaalada Muqdisho ka
dibna waxay gawraceen 21 Mujaahid oo aan waxba
galabsan .
Sarkaankan Itoobiyaanka ah oo nin Muslim ah asal
ahaana ka soo jeeda Dalka Soomaaliya ayaa shabakada
saylac.com soo gaadhsiiyey waraaq ay tariikhdan la
isku beegay ku qoran tahay waxa kale oo uu sheegay
inay Dawlada Itoobiya gaadhay ujeedadii in lagu daro
taariikhda madaw ee geeska Afrika tan maanta ay
geysteen ciidadada Xabashidu.
Umada Soomaaliyeed waxaan u sheegayaa ayuu yidhi
sarkaankani inay iska iloobaan khilaafka dhexdooda
yaala oo ay eegaan dhibaatooyin kuwan ka waaweyn oo
kusoo socda Dawlada Itoobiya ay la damacsan tahay.
Abdiwali Mohamed
Saylac.com
Addis, thiopia |
|
|
