Tartanka heesaha hirgalay iyo
habeenka labaad habolada gudbay
April,19,2008
Hargeysa(Saylac.com) - Tartankii Heesaha Hirgalay,
oo ayaa xalay galay habeenkii labaad oo uu si
xidhiidh ah uga socdo Garoonka kubadaha gacmaha
Timaca Cadde ee magaalada Hargeysa.
Tartankan xalay oo ay ku tartamayeen afar fanaan oo
dhalinyaro ah ayaa ahaa mid aad u xiiso badnaa isla
markaana ay u soo daawasho tageen boqolaal qof oo ka
mid ah bulshada ku dhaqan Hargeysa, oo u badnaa
dhalinyaro, waxaana ku guulaystay kaalinta kowaad,
Mawliid Cismaan Xasan [Ina Almis], kaalinta labaadna
waxa ku soo baxay Maxamed Axmed Jaamac.
Tartankii kan ka horeeyay ee habeen hore waxa ku
guulaystay oo soo baxay Maxamed Axmed Bakaal [Cirro]
iyo Cabdi-raxmaan Caydiid Cabdi, afartan fanaan ayaa
u gudbay wareega labaad waxana iyagana la sugayaa
tartamada habeenada Sabtida iyo Axada ee fooda inagu
soo haya oo ay ku tartami doonaan 8 fanaan oo kale,
ka dibna waxa loo gudbayaa wareega labaad oo loogu
talo galay in lagu kala saaro 8-da fanaan ee soo
hadhay.
Tartankan xalay, oo ay dhex taal u ahaayeen heeso
iyo bandhig faneed aad u xiiso badan, waxa
garsooreyaal ka ahaa fanaaniita Xasan Ismaaciil
Uur-cadde, Aadan Xasan Karoone iyo Yuusuf Sh. Muumin
[Subxaanyo].
Cabdiqani X. Baynax
Saylac.com
Hargeysa
Somaliland
|
