|
|
 |
|
| |
Mashruuca dhismaha Garoonka
kubada cagta ee Borama oo dhawaan dib loo bilaabi
doono..May,06,2008
Hargeysa(Saylac.com) Mashruucan dhismaha oo horey ay
u dhagax dhigtey Marwada Koobaad ee Jamuuriyada
Somaliland Marwo Hudda Barkhad Aaden ayaa in mudo
ahba aan wax xarakaad ah oo dhismihiisa ku saabtan
aan la maqal. Hadaba Maanta ayaa shabakada
saylac.com soo gaadhay qoraal muujinaya qorshaha
dhismaha garoonka oo bilaha inagu soo fooleh
bilaambi doona.
Qoraalkan oo ay ku saxeexnayd Marwada Koobaad ee
Jamuuriyada Somaliland ayaa sheegay mudada iyo sida
ay uga qayb qaadan doono garoonka. Waxa kale oo
qoraalkani uu faahfaahin ka bixiyey nashqada iyo
dhismaha garoonku sida uu ahaan doono\ , Marwada
Jamuuriyada Somaliland Marwo Huda Barkhad Aaden oo
horey u dhagax dhigtey Garoonka ayaa sheegtey inay
diyaar u tahay inay qayb laxaadleh ka qaadato
dhismaha garoonka , isla markaana sarey u
qaado ciyaaraha iyo dhalinyarta Gobolada Somaliland
oo dhan.
Marwada oo qoraalkeedan kaga hadashay arimo badan oo
ku saabsan faa'iidada ciyaaruhu u leeyihiin
dhaliyarada iyo isdhex galka Bulshadaba ayaa
sheegtey inay dhalinyartu tahay lafdhabarta bulshada
loona baahan yahay ina dhalinyarada loo dhiso
garoomo ay ku ciyaaraan waana sida kaliya ee ay
ciyaaruhu ku taabo gali karaan ayey hadalkeeda
raacisey marwadu.
Garoonka Kubada Cagta ee Boorama ayaa horey ururka
gurmad uu ugu magac daray Allaha u naxariistee
Abwaankii Abwaanada Soomaaliyeed Xasan Sheekh Muumin
oo lagu aasay magaalada Boorama.
Ururka Gurmad ayaa isagu horey u ururiyey lacagooyin
ay ugu tala galeen dhismaha garoonka kubada cagta ee
Boorama lacagahaas oo ilaa hadda ceegaaga sanduuq
loogu tala galay in loogu ururiyo mashruuca dhismaha
garoonka oo xawli aad u hooseeya dhismihiisu ku
socda.
Arintan ah inay marwadu ka qayb qaadan doonto
dhamays tirka garoonka ayaa waxa ay dhalin doontaa
yididiilo weyn oo markale dhalintarta Degmada
Boorama ku dhalata si loogu dhamays tiro garoonkan
mudada dheer qaatey oo ay in mudo ahba filayeen in
loo dhiso.
Garoonkan kubada Cagta ee Xasan sheekh Muumin ayaa
noqon doona garoonka kobaad ee ka jira Gobolada
Awdal iyo Salal oo ayna horey uga dhisnayn garoono
ciyaareed.
Saylac.com |
|
|
