|
|
 |
|
|
Tageeridii Gobolka Awdal
ee xisbiga kulmiye maxay soo kordhisey? ninkase
ta yar kuu diidi ta weyn sideebuu kuu siin?
Mar-31-2008
Hargeisa(Saylac.om) shirwaynihii labaad ee
xisbiga kulmiye ayaa maanta lagu soo
gabagabeeyey magaalada Hargeysa. ka dib markii
muran adag, dood iyo ismarin waa uu ka dhacay
magacaabida hogaanka cusub ee xisbigu yeelan
doono afarta sano ee inagu soo xooleh, ayaa ugu
danbayntii xisbigu ku guulaystey inuu magacaabo
golaha dhexe ee xisbigu yeelan doono iyo waliba
gudoomiyaha xisbiga oo mar kale loo doortey
Mudane Siilaanyo.
Ismariwaagan iyo loolankan jagooyinka loogu
tartamayo ayaa wuxuu uu ka dhaxeeyey xubnaha loo
codaynayey oo kala ahaa kuwo xisbiga horey
hogaankiisa ugu jiray iyo kuwa cusub intaba.
Arimaha cakiran ee maanta ka taagnaa hoolka lagu
magacaabayo waxa ugu weynaa ergooyinka iyo
martisharafta kale ee ka soo qaybgashay shirka
oo u kala qaybsamay laba qaybood.
a) Rag loolan adagi ka dhexeeyo hirdan iyo doodo
kulilina keenay hoolka uu ka dhacayo shirku
rabayna inay bedelaan dhamaanba hogaanka daalay
ee kulmiye oo iyagu aan ku guulaysan inay
waxwayn ka badalaan lakiin, himiladii ay
lahaayeen qayb libaax ka helay jagooyinka cusub
ee xisbigu yeeshay.
b) Ergooyinkii ka socday gobolada Awdal,Sool iyo
Martisharaftii kale ee ka soo qaybgashay oo uu
ugu horeeyo Abwaanka caanka ah ee Hadraawi, Pro
Cabdi Xashi Abiib iyo aqoonyahano kale oo gabi
ahaanba iyagu ku dhex milmay hirdanka
siyaasadeed ee ka dhacaya hoolka shirarka ee
Ambasador Huteel runtiina ahaa dhagaystayaal
qaali ah!!.
"Aad ayaan idiinku mahadinayaa sida wanaagsan ee
aad ii sharafteen, Gudoomiyahana iiga dhigateen
Afar sano oo dambe. Cadalada iyo sinaan iyo
waliba daacad ayaanu u hawl galaynaa aniga iyo
xubnaha kale ee aad maanta doorateen" Hadaladan
runta ka fog waxa yidhi Siilaanyo oo runtii sida
ay dhabtu tahay hadii cidkale ay kula tartami
lahayd aan marnaba raali ka ahaadeen inuu shirku
nabad ku dhamaado. Mida kale waa maxay cadaalada
iyo sinaanta uu sheegayaa? cadaaladu ma markii
siduu uu doonayey ay arini u dhacdaa? .Rag
farabadan ayaa ka biyo diiday sida loo doortey
xubnaha cusub ee xisbiga ragaas oo lagu
wado inay ku biiri doonaan xisbiga UDUB.
Mujaahid Cabdiraxman Aw- Cali oo hogaamiye ku
xigeen u ahaa xisbiga kulmiye ayaa dabaysha
raacay sababta ugu weynina ay tahay siyaasada
qaloocda ee kala socodka iyo u kala badinta ku
dheehan oo ay ergooyinka gobolka awdal la tageen
madaasha hoolka iyo waliba iyadoo ay siyaasiinta
xisbiga kulmiye qaarkii ay sheegeen in la
qadariyo culayska siyaasadeed ee dhex yaala
siyaasiinta waaweyn ee laga baqayo inay
mijaxaabiyaan siyaasada xisbiga ee aan dheg weyn
loo dhigin gobolka Awdal iyo sool kuwa ka soo
jeeda oo aan haba yaraatee aan loo arag inay
waxsoo kordhinayaan iyo in kale. Yusuf odaywaa
oo ka mid ah martisharafka ka soo qayb gasahay
shirka ayaa saylac.com u sheegay in Cabdiraxman
Aw-cali tageeradii iyo sumcadii uu ku dhex
lahaan jiray xisbiga kulmiye ay lumiyeen
ergooyinka ka socday gobolka Awdal oo aad moodo
rag kaligii dirir ah oo aan isku aragti ahayn
hadaf dheerna ka madhan isla markaana kaba
dhacsan hirdanka siyaasadeed ee xisbigan
dhexyaala oo ah xalinta khilaafka siyaasiin gaar
ah oo xisbiga dhexdiisa ah oo kaliya ee aan haba
yaraatee ahmiyad weyn siin gobolada kale iyo
labaad oo ah in xisbiga kulmiye uu ku biyo
shubtey qabyaalad cad oo aan horey u jirin.
Hadalo wanaagsan, balanwaadyo qayrul macquul ah
ayey qaar ka mida ergooyinka awdal ay ka soo
jeediyeen hoolka uu shirku ka dhacayey lakiin
ujeedo cad iyo shuruudo ay ku xidheen
balanqaadyadaasi haba yaraatee ma jirto, marka
laga reebo inay la dhacsan yihiin kusoo biirida
xisbiga kulmiye iyo nacayb ay u qabaan xisbiga
taladda wadanka haya ee UDUB. Pro Cabdi Xaashi
Abiib ayaa saylac.com u sheegay inuu aduunka ugu
aaminsan yahay Mudane Siilaanyo, uu tageero hiil
iyo hooba uu la garab joogi doono ilaa inta uu
jagada madaxweynaha ku fadhiisanayo Mudane
Siilaanyo oo uu ku tilmaamay inuu yahay siyaasi
daacad ah!! Saylac.com ayaa Pro ka weydiisey
aqoon intee leeg ayaad u leedahay Siilaanyo?
wuxuuna ku jawaanay runtii qof ahaan aqoon weyn
uma lihi lahiin siyaasadiisa ayaan hayaa waana
nin waxweyn ka bedeli doona somaliland!!!! waxa
uu ka bedeli doono lakiin cidina ma oga mana
sheegi karto.
"Cabdiraxman Aw Cali kamuusan dhex muuqan hoolka
shirku ka dhacayo inkata oo uu aad ula socdo
siyaasada xisbiga kulmiye iyo hirdanka ka
dhexeeya qaar ka mida siyaasiinta xisbiga hadana
codkiisu waxa uu la mid noqday codadka
siyaasiinta gobolka Awdal ee aan cidina fahmayn
waxa ay rabaan" sidaa waxa hadalkiisa ku daray
Yusuf odaywaa oo saylac.com uga waramay iska
warhayn la'aanta Xisbiga Kulmiye iyo
ergooyinka Awdal.
Ergooyin aad u badan oo ka soo jeeda Gobolka
Gabiley ayaa saylac.com u sheegay inay ka digo
roganayaan dhawaan xisbigan kulmiye oo ay ku
sheegeen inuu yahay mid dhan u janjeedha qabiila
ku salaysan. Ahmiyada kobaad ee maanta xisbiga
kulmiye ayaa ahayd in la dhawro arqalado ka
dhalan kara ismaandhaaf ka dhex dhaxa ergooyin
xisbiga ka tirsan oo jagooyinka sarsare ku
loolamayey, lakiin ujeedada fog ee xisbiga ayaan
cidina hadal qaadin shirkuna wuxu ku dhamaaday (Midho
daray duuduubkaa lagu liqaa).
Lama odhan karo guul weyn ayey tani u tahay
xisbiga kulmiye, marka laga reebo siba sibay
dhaantaaye in dagaal iyo kuraasi la isla dhaco
sidii hadda ka hor dhacday oo uu hada ka
badbaaday xisbigu. Kulamo gaar ah ayey yeesheen
ergooyinka ka kakala socday Gobolada , Togdheer,
Hargeysa, Sanaag, halka ay ergooyinka ka socday
Awdal kaliya ay wajigoodu iskugu horeeyey iskuna
danbeeyey hoolka shirku ka dhacayo tani oo la
odhan karo inay tahay midda ugu weyn ee keentey
in ergooyinka Gobolka Awdal aan loo arag
ergooyin muhiim ku ah xisbiga kulmiye dhexdiisa.
Ilo mareegyo ay saylac.com khadka telefoon ku
waraysatey bal inay kulan khaas ah yeesheen
amaba is horfadhiisteen ergooyinka dibada ka
yimid ee awdal iyo Cabdiraxman Aw-Cali , iyo Eng
Cabdiraxman Saylici ayaa waxa ay saylac.com u
cadeeyeen inayna isba aqoon wajigooduna aanu
isiqaban halka ergooyinka kale ee xisbiga
kulmiye hakala siyaasad duwanaadeene ay mid ka
ahaayeen hadafka guud ee gobolka ay ka soo
jedaan, sida ergada ka socotey burco oo
halhayskoodu ahaa (Togdheer waxay nasoo fartey
.... iyo hadalo cadcad oo muujinaya ujeedada ay
la socdaan.
Hadaba waxa isweydiin leh taageerid ay ree Awdal
tageeraan xisbiga kulmiye waxay soo kordhisey
iska daaye cabdiraxman ayey la degtey ?? waa
muran ma doonto cid waliba arkayso mida kale
hadii reer awdal ay hadda gacmo madhan kala
noqdeen shirkii labaad ee xisbiga kulmiye raga u
loolamaya madaxweyne ku xigeenku sideebay
idiinla muuqataa inay ugu guulaysan doonaan??
waa wax xaqaa' iqa iyo caqliga aadamigaba ka fog
inuu nin awdal ka soo jeedi uu xisbiga kulmiye
ku guulaysto madaxweyne ku xigeen.
Ree Awdal maxaa la gudboon? waxa la gudboon inay
wada hadlaan, siyaasad mida xisbigay doonaan ha
ahaatee ay kaga qayb galaan loolanka siyaasadeed
ee qabaa'ilka ku dhisan ee soomaaliland.
Ergo diiday in magaceeda la
sheego ayaa saylac.com u sheegtey in aanu lahayn
in UDUB la tageero lakiin waa inuu dhacaa
shirweyne awdal ka dhaca oo lagu lafaguro
hadafka dhabta ah ee Gobolada Awdal, Salal iyo
Gabiley si hadaf mida looga duulo looguna dagaal
galo xaqsooran dhab ah oo laga helo xisbi kasta
oo somaliland ka jira , lakiin sacab tum iyo
tageerid nacayb walaalkaa aad u qabtid oo aad
siyaasiin aan qiimahaagaba ogayn aad u sacab
tuntaa' i natiijada ka soo baxdaa waataa maanta
aad indhihiina ku aragtaan.
sent by Ismael Warsame (Ismacil computer)
edited by Maxamuud Cabdilahi Rooble
Saylac.com
Hargeysa- Somaliland
|
|
|
- To Submit Information Click Here -
|
|
