|
|
 |
|
| |
Komishanka Doorashooyinka Iyo
3-da Xisbi oo heshiis ka gaadhay wakhti cusub-na U
Cayimay Doorashooyinka.
April,10,2008
Hargeysa (Saylac.com) – Komishanka doorashda iyo
Axsaabta siyaasada ayaa shalay isla gaadhay wakhti
cusub oo loo cayimay wakhtiga diiwaan gelinta
codbixiyayaasha iyo sidoo kale doorashooyinka
Golayaasha deegaanka iyo Madaxtooyada.
Xubnaha Gudiga doorashada iyo Wakiilo ka kala socday
Axsaabta Siyaasada oo xalay shir-jaraa’id wada jir
ugu qabtay xarunta Akademiga nabada waxay ku
sheegeen in arrintaasi ay ka gaadheen go’aan wada
jir ah.
Gudoomiye ku xigeenka Komishanka Doorashooyinka Md.
Xirsi Cali Xaaji Xasan, oo shirkaasi ka hadlay ayaa
sheegay in Saddexda Xisbi Qaran iyo Komishanku ay
yeesheen Shir qaatay muddo ka badan 5 Saacadood oo
ay ku lafo gurayeen Doorashooyinka Madaxtooyada iyo
Golayaasha deegaanka, ay gabagabadii isla qaateen
heshiis ay wakhti cusub ugu muddaynayaan
Doorashooyinka, waxana hadalkiisii ka mid ahaa oo uu
yidhi “Waxaan ugu bishaaraynaynaa Umadda reer
Somaliland in komishanka iyo Saddexda Xisbi Qaran ay
isla qaateen in Howshii diiwaan galinta
Codbixiyayaasha la soo gabo gabeeyo 05 October 2008
isla markaana Maalin ka dib oo ah 06 October 2008 ay
dhacaan Doorashooyinka Golayaasha Deegaanku, Halka
Doorashada Madaxtooyadana la isku raacay December 31
2008”
Gudoomiyaha Komishanka Maxamed Ismaaciil (Kabo-Wayne)
oo kulankaasi ka hadlay ayaa sheegay in caawa
Saddexda Xisbi Qaran iyo Komishanku ay Hotelka
Ambassator ee Magaalada Hargeysa ku qaban doonaan
xaflad weyn oo arintaasi ku saabsan.
Sidoo kale waxa kulankaasi ka hadlay Gudoomiyihii
hore ee Gudiga doorashada Axmed Xaaji Cali (Cadami)
ka tirsan Xisbiga Kulmiye, ayaa sheegay inay aad u
soo dhawaynayaan heshiiskan. Maxamed Ibraahim Xijaab
oo ka socday Xisbiga Udub iyo C/laahi Siciid Dheere
oo ka socday Xisbiga Ucid ayaa iyaguna sidoo kale
sheegay inay ku faraxsan yihiin heshiiskan.
Cabdiqani Xusein Baynax, Saylacnews. Hargeysa
Somaliland
|
- To Submit Information
Click
here--
|
|
