Ururka Gurmad oo dhagax dhigay wajigii labaad ee dhismaha garoonka Borama Jan-14-2008    Daawo sawirada Borama( saylac.com)- Dhagaxdhiga wajiga labaad ee garoonka Biroole ayaa maalintii shalay dib loo bilaabay ka dib markii ururka Gurmad ee iyagu balan qaaday inay dhismaha garoonka dhamays tiri doonaani ay garoonka ku shubeen dhaxagaanta dhismaha oo gaadhaysa ilaa 30 lawdh. dhagaanta lagu shubay garoonka ayaa waxay horudhac ka yihiin qorshe balaadhan oo uu ururka gurmad ugu talo galay inuu ku dhamays tiro dhismaha garoonka kubada cagta ee magaalada Boorama oo in mudo ahba ururku uu ku talo jiray . Dhaqdhaqaadha dib udhiska garoonka ayaa waxa uu soo jiitey dhalinyaro aad u badan oo iyagu ku sugnaa garoonka wakhtiga iskaragooyinka dhagaxaanta qaadaayi ay ku shubayeen dhagaxaanta dhismaha, dhalinyara qaar ka mid ah ayaa waxay saylac.com u sheegeen ina aad ugu faraxsan yihiin inay arkaan dhismihii garoonka oo dib loo abaabulaayo isla markaana ay aad ugu kalsoon yihiin Ururka Gurmad inuu kasoo bixi doono balan qaadka uu noo qaaday inuu garoonka dhamays tiri doono " ayay yidhaahdeen dhawr dhalin yaro ah oo ku sugnayn garoonku. dhamaystirka wajiga labaad ee garoonka ayaa lagu talo jiraa inuu u socdo sida loogu talo galay waxana dadkii deeqaha bixiyey uu ururka gurmad u damaanad qaadayaa in shilin walba uu ubixi doono sidii loogu talo galay "ayuu yidhi Gudoomiyaha Ururka Gurmad Mudane Faysal Abadiid (faysal Dacawo ) oo fadhigiisu yahay wadanka Norway. sidoo kale Agaasimaha Ururka Gurmad mudane Jawhar C/Samad Qalinle ( Korwaayeel) oo isna shir jaraa'id ku qabtey magaalo madaxda wadanka Sweden ee Stockolm ayaa sheegay inuu ururka gurmad uu yahay urur kasoo bixi doona balanta uu dhalinyarta ree Awdal horey ugu qaaday ee dhismaha garoonka , waxa kale oo uu Agaasimuhu intaa ku daray in dhaqaalihii loo ururiyey dhismaha garoonku uu ku jiro khasnada dhexe ee ururka gurmad mashruuciisa dhismaha garoonka ee Dahabshil- Borama. "waxaan dadka wali aan ka qayb qaadan inay walaalahood ka mid noqdaan waxtarna ka geystaan dhismaha garoonka aan ku dhiiri galin lahaa inayna sugin beri ee ay sida ugu dhakhsiyo badan ugu shubaan ururka gurmad ee mashruuca dhismaha garoonka ee ka furan Dahabshil Borama" ayuu hadalkiisa ku daray agaasimuhu. Wajiga labaad ee dhismaha garoonka ayaa wuxuu ku soo beegmay wakhti magaalada Boorama ay ka socdaan dhawr mashaariic oo horumarineed oo uu ka mid yahay dhismaha Jidka laamiga ah ee iska kaashanayaan Ururka ARNA iyo Dawlada Hoose ee degmada Boorama. Dahir Axmed "jirde" Saylac.com Borama- Somalilan

- To Submit Information Click here--