Markii aad eegto magaalada sawir guud waa meel ku taal dhul san oo cimilo wanaagsan , roobabka xill roobaadkana badanaa hesha , adeegyada dadweynuhuna ay si fiican uga socdaan walow qaybtood la dhalliilo , oo marar badan dadku waayaan waxyaalaha Nolosha muhiimka u ah sida Biyaha oo ka go'a Xaafado ka mid ah Magaalada

Waxaa magaalada ka muuqda difeetadii iyo daqaradii dagaalada sokeeye , halkaasi oo ay dadka ku nooli aaminsanyihiin in Soomalidu waxan u gaysatay , gaar ahaan Soomaalida koonfureed , oo aan marnaba lagu soo qaadi karin wax la yiraahdo la midoobid , waxayna mar walba dadku sheegaan in magacooda Somali land ay dhawraan kuna barwaaqoobayaan oo uu yahay laguma xadgudbaan .

Meel bartamaha magaalada ama farasmagaaalaha Hargaysa dhacda oo hore loogu magacaabi jiray Xarunta Bulshada ayaa burburkii ka dib laga dhisay Taallo lagu magacaabo Taallada Xorriyadda ama daljirka dahsoon , taaladaasi oo la dulsaaray Diyaarad Miig ah oo ahaa kuwii ka burburay ee ku dul dhacay xilligii duqayntii Hargaysa , waxayna ku sawireen Sawiro muujinaya dad dagalamaya iyo kuwo gacmo go'an , halkaasi oo sida lay sheegay ah meel ay dadku ku xasuustaan wixii ka soo maray Dawladii hore ee Soomaliya , iyo weli ba kicinta dareenka dadweynaha .

Amniga iyo xasiloonida dadku ku noolyahay waa mid aad u sareeya oo aan la soo koobi karin , taasi oo aad moodo in dadka ku nooli ka daaleen dhibaatadii iyo colaadii sokeeye , Maamulka ay samaysteen ee Somali land waa midka intaasi u dhaliyey .

Magaalada waxa si weyn ugu badan oo ka hawl gala Hay'ado faro badan oo aan ka hawl gelin meelaha kale ee dalka Somaliya kuwaasi oo xafiisyo waaweyn kuleh , iyagoo la sheego inay u soo raaceen Nabadda iyagoo hirgalinaya Qaraarkii ahaa in la xoojiyo meelaha Somaliya ay Nabaddu ka jirto .

Dadka dalka camiraya ayaa aad ugu faro badan Magaalada Hargaysa dadkaasi oo ah dadka dibadaha ka soo laabtay waqtigan oo doonaya inay dalkooda hooyo dhisaan , inkasta oo ay magaaladu ku nooshahay habka dabaqadaha kala sareeya oo dad badani aysan helin quud maalmeedkooda , kuwo kalena ay ku noolyihiin Nolol sare iyo Raaxo adduun .

Waxa Hargaysa dhallinteeda iyo cirooleheeduba ka siman yihiin waxa loo yaqaano Shaxaad taasi oo ay keento sida la ii shegay Qaadka faraha badan ee uga yimaada Itoobiya oo aanay dadku u wada helin lacag .

Dawladdu waxay in badan isku hawshaa inay shacabka ku qanciso in la aqoon sandoono waxaynku ku beertaa Nacaybka dadka Somaaliyeed iyo la midoobidooda , halkaasoo dadku derbiyada kaga sheekeeyaan Soomaliya waan ka go'naye maxaa na daba dhigay .

Inkasta oo ay sheegtaan Maamul u gaar ah iyo Dawlad ka go'day Soomaaliya oo sheegatay Somaliland haddana ma dhaafsiisna Hargaysa dadkeedana uma daryeesho oo xitaa jidkii Dawladii Soomaliya u dhistay inta u dhexaysa Berbera ilaa sheekh aad ayey u burburtay ,waxaa kaloo ka sii daran Garoonka diyaaradaha ee Hargaysa waa uu dayacan yahay oo waxaa uu halis u yahay inuu Burburo.

Isku soo wada xoori, Hargeysa xag dhaqaale dhaqan iyo mustaqbal ku xirantahay Somomaaliya in teeda kale.

Is-weydiinse waa gobollo aad u yar oo beelo koobani degaan maxay Soomaaliya uga faquuqmayaan oo ay qaran u sheeganayaan,maanay caddayn inaan Qabiil qaran Noqon karin oo Soomaali eebe isbaday oo aysan marnaba kala maarmin?.