|
|
|
| |
Roobab
dhimasho iyo dhaawac dad ku gaadhsiiyey
Degmada Boorama
May,-05,2008
Borama(Saylac.com) Dhawrkii maalmood ee ina
soo dhaafay roobab laxaadleh oo ka da'ay
magaalada Boorama ayaa waxyeelo badan
gaadhsiiyey degaanada ku xeeran degamada
Boorama. Roobabkan oo in mudo ahba la
filayey dadkuna ku ducaysteen inuu Raxmaanku
shubo ayaa waxa ay dhaliyeen daadan ka soo
rogmaday dooxyada kala duwan ee degaanka
degmada Boorama oo ah dhul buureedyo dooxyo
badani ku yaalaan.
Sida ay wararku saylac.com ku soo gaadheen,
ayaa waxa ay daadadkaasi la tageen Marxuumad
la odhan jiray Canab Cabdilahi Kaahin oo uu
agagaarka dooxa sogsolgey dhulbeereed uu
leeyahay Mulkilaha la yidhaa Muxumed Food uu
ku qaaday daad isla markaana laba ruux oo
kale dhaawac ba'ani ka soo gaadhay
daadadkaas.
Sida uu saylac.com u sheegay Cabdi Kariim
Sanjeex oo ay ehalo yihiin Marxuumada daadku
qaaday Canab Cabdilahi ayaa sheegay in
maanta marxuumada lagu aasay magaalada
Boorama.
Dahir Axmed Jirde
Saylac/com/ Borama/ Somaliland |
|
|
|
