Aug,01,2005- Warfaafinta Gobolka Awdal oo aad loo dhaliiley. saylacnews/Borama:Gobalka awdal oo dhaca galbeedka jamhuuriyada Somaliland ayaa ah mid ka caaggan warfaafinta gudaha iyo ta dibadaba. Tusaale ahaan ,wargaysyada iyo laamaha kale warfaafinta sida tv –ga iyo radio hargaysa ayaanan sidii loo baahnaa uga warramin waxaan jirinna ka dhiga dhacdooyinka gobalka awdal nooc kasteba ha ahaadeene. hadaan laga tagin waxaad mar-mar iyo dhif ka daalacan kartaa wargaysyada ka soo baxa magaalada hargaysa ee xarunta dalkaasi S.land warar iyo maqaallo kooban oo laga diray magaalada borama ee xarunta gobalkaasi AWdal,haseyeeshee degmooyinka kale ee gobolka inaad war ka heshid waa arrin mustaxiila. Sida laga warqabo,wararka soomaalida waxaa si joogta ah oo looga helaa BBCda; gar'ahaan laanteeda soomaaliga;taasoo magaalada hargaysa kule wariye u soo tebiya lana socodsiiya dhacdooyinka jamhuuriyadda Somaliland ,haseyeeshee waxaa lagu dhaliilaa war- tebiyahaasi tallaabooyin takoor iyo nacayba,caddaalad darro dhinaca warfaafinta ah iyo waliba inuu ku tunto shuruucda saxaafaddda . Wariye axmad siciid cige sida ay ilo xog-ogaalihi sheegeen waxa uu ku caanbaxay ka dhego adayga dhacdooyinka gobolka awdal nooc kaste oo ay yihiinba ,halka uu isku xiijiyo tebinta dhacdooyin aanan gayin in caalamka la maqashiiyo oo ka dhaca gobolka woqooyi galbeed iyo degmada burco, Faldanbiyeedka saxaafadeed waxaa ka marag kacaya dhacdooyin ahammiyaddooda lahaa oo bishii luulyo ee ay aynu soo dhaafnay ka dhacay magaalada borama. Dhacdooyinkaasi ayaa ahaa kuwa aanan nasiib u yeelan in laga maqlo dalka dibadiisa sida dhacdadii heerka qaran ahayd ee murugada iyo naxdinta xanbaarsanayd,waa geeridii sh.muuse jaamac goodaad oo ahaa xubin ka tirsan golaha guurtida xukuumadda S.land ,waxbadanna khadka dhexe ka soo cayaaray nabadaynta dalkaasi oo ku geeriyooday magaalada jabuuti ee xarunta dalkaasi jabuuti 8bishii luulyo ee aynu ka soo gudubnay laguna aasay magaalada borama 9kii bishaasi. Isla 27kii bishaasi waxa ku soo beegantay xafalddii qalin-jabinta dufcaddii 4aad ee ka aflaxda jaamacadda camuud ee boorama. Xafladdaasi waxa ka soo qayb gelay madaxwaynaha jamhuuriyadda S.land Mudane: Daahir Rayaale Kaahin iyo xubno muhiima oo ka tirsan golihiisa wasiirrda iyo waliba qaybaha kala duwan ee bulshada soomaaliyeed. Xafaladdaasi ayaa ahayd mid macna wayn haamabaarsan islamarkaana aad u qiimao badan inkaste oo ayna BBCdu ka warramin soona qaadin qodobkaasi. Haddaba saylacnews oo sameeyay ra`yi eegid ku saabsan arrintaasi ayaa soo dhex maray magaalada boorama soona ururiyay fikrado ay ka midyihiin: Professor . Siciid Maxamad Daahir oo ah masuul ka tirsan waaxyo maamuleedka jaamacadda camuud oo arrintaasi ka faallooday ayaa yidhi: (waxaa qasaba in lagu qabsado BBCda iska dhego iyo indhotiridda dhacdooyinka muhiimka ah) waxaanu u aanayay prof siciid arrrintaasi inaanay ka jirin gobolka awdal wariyeyaal firfircoon oo tebiya warka inta uu diiranyahay una tebiya wariyaha BBCda ee magaalada hargaysa. Haseyeeshee in wariye axmad cigeha hargaysa uu dhagaha ka furaysto dhacdooyinka Awdal "prof.siciid". Bashiir Nuur Oomaar oo ah ganacsade reer Boorama ah ayaa isagu aaminsan inaanu gobolka awdal helin xuquuqdiisa ay ka mid tahay ta warfaafintu sobobo la xidhiidha hayb iyo deegaan awgood . Prof:jaamac faarax xasan oo ah muwaadin reer jabuutiya ayaa isaguna sheegay inuu aad uga yaabay sida ay BBCdu cagta hoos uga mariso gobolka awdal ee uu waa siduu hadalka u dhigaye u go`doonsanyahay gobolkaasi. Waxaanu yidhi prof.jaamac isaga oo ka hadlaya xafalddii jaamacadda camuud ee bishii luulyo ee sannadkan iyo sidii ay BBCdu ula dhaqantay : (boorama ayaan joogay xafladdii qalin jabinta dufcadddii 4aad ee ka qalin jabisa jaamacadda camuud ,si sabir la`aana ayaan u sugayay war- bixinta xafladdaasi radiohana maan dhigin maalintaasi ,haseyeeshee nasiib darro lama soo qaadin manaan filayn in dhacdo noocaasiya la baahin waayo) Isku soo wada geeyoo ,gobolka awdal waxaa la ogyahay inuu yahay gobolka ugu horreeya gobollada soomaaliya dhinaca waxbarashada isla markaana ugu liitaa dhinca warbaahinta .maxaayeelay,dadwaynaha ku nool gobolkaasi oo lagu qiyaasay in ka badan nus milyan(500,000) ayaa ilaa hadda aan kahadal sidii ay u sameysan lahaayeen hal wargays oo si ballaadhan wararka gobolka u baahiya, taas waxa weheliya Wariha BBCda u fadhiya Hargiesa oo ka dhaga adeyga faafinta wararka ka dhaca Awdal. Sidoo kale qurbo jooga reer awdal ee ku nool dalka dibaddiisana lagama hayo tallaabooyin wax qabada oo dhinaca warfaafinta ah. Dulahaan mujtamaca reer awdal waxa lagu tilmaami karaa inuu yahay mid ka dhegi-xidhan ahimiyadda saxaafadda iyo saamaynta ay ku yeelan karto nolosha siyaasadeed. Sakariye Hussein Saylac news Borama, Awdal email: sakariyehussein@saylac.com

- To Submit Information Click Here -