Shiki kuma jiro inuu
Madaxweyne Ismaciil Cumar Geele yahay Shakhsiga
sanadka 2008 ee Geeska Afrika
Jan-01-2008
Seattle(Saylac.com) Shabakada saylac.com waxay
taageero weyn uhaysaa magacaabida shakhsiga sanadkan
2008 oo ay soo diyaariyeen Masuuliyiin dhawr ah oo
shabakada dhambaalnews, Hadhwanaagnews. magacaabida
shakhsiga sanadkan ee uu mutaystey Madaxwynaha Dalka
Jabuuti Mudane Ismaciil Cumar Geele ayaa ah marag ma
doonto inuu yahay shakhsiga sanadkan 2008 ee geeska
Afrika , Mudane Ismaciil Cumar Geele waxa uu tusay
aduunka in wadatashi iyo wada shaqayn buuxda ay la
samayn karaan Dalka yar ee uu madaxda ka yahay
isagoo kalsooni buuxda siiyey aduunka in Dawlada
Jabuuti tahay wadan Jecel nabada iyo Horumarka Guud
ahaan Geeska Afrika .
Mudane Ismaciil Cumar Geele waxa uu wadankiisa ka
qaaday xaalad qalafsan oo dhaqaale maantana wadanka
Jabuuti waxa uu ku socdaa tabta toosan ee dhaqaale
iyo horumarineed ee wadamada khaliijka qaarkood ku
taabo galeen . Mudane Ismaciil Cumar Geele waxa
uu isku xidhay shirikadaha waaweyn ee Wadanka
Abudabi iyo wadankiisa waxana uu horseeday inuu
jabuuti ka dhigo Abudabayda Geeska Africa waanu ku
guulaystey.
Dadka reer Jabuuti oo ay ku adkayd inay
Mishaaharadooda u helaan sadexdii biloodba mar, ayuu
madaxtinimada qabtey maantana wadanka Jabuuti dadku
miishaarka waxay si joogta ah u helaan bilwalba
dhamaadkeeda , Inkastuuna wadanka Jabuuti lahayn wax
khayraad ah oo uu ku kabi karo dhaqaalihiisa iyo
mushaaharada dadka dawlada u shaqeeya , hadana
Mudane Ismaciil wuxuu ku maanta gaadhsiiyey
dadweynaha reer Jabuuti inay si lama filaana
dhaqaalahoodu sarey ugu kaco dhawrkii sanadoon ee
ina soo dhaafay .
Dhinaca Mashaariicda Horumarinta Buslashada : Mudane
Geele wuxuu suurto galiyey inuu xaga biyaha ka haqab
tiro bulshada reer jabuuti, isagoo tuulo walba ka
qoday ceelasha Riiga Casriga ah isagoo la kaashanaya
ciimamada xoogaga midoobey ee Ameerikaanka ah ee
fadhigoodu yahay wadanka Jabuuti.
Dhinaca Amaanka Maanta Jabuuti waxa lagu sheegi
karaa wadanka ugu degan Geeska Afrika , awood iyo
cudud milateri kuma uusan keenin lakiin maskax
caafimaad qabta iyo wadaninimo ayaa lagu tilmaami
karaa iyo daacadnimo uu wadankiisa u qabo.
Maamulka Shabakada Saylac.com oo fadhigiisu yahay
Magaalada Seattle ee cariga Maraykanku waxa uu
tahniyad weyn usoo jeedinayaa Mudane Ismaciil Cumar
Geele iyo shacabka Reer Jabuuti .. (Aqligii
wanaagsani Itaal inuu ka roonyahay bal eegoo
ufiirsadaay) abwaan Hassan Sh. Mumin .
Maamulka Saylac.com
Abwaan: Maxamuud Cabdilahi Rooble
Seattle Washington USA
Hoos ka akhri warsaxaafadeedka shabakada dhambaal ay
qortey .
Shebekada Warbaahinta Dhambaal
Date:31.12.07
Hargeisa
War-saxafadeed
Shebekeda Warbaahinta Dhambaalnews waxa sharaf u ah
inay halkan ku soo bandhigto abaalmarinta
Shakhsiyada Sanadka 2007 taas oo ay u aqoonsatay
Mudane Ismaaciil Cumar Geele Madaxweynaha
Jamhuuriyada Djibouti.
Sababta aan ku xulanay:
Madaxweyne Ismaaciil Cumar Geele waa nin maanta ay
ku faani karaan dhamaan umada ku hadasha afka
somaliga marka laga eego dhinacayo badan oo ay ugu
muhiimsan yihiin qodobadan hoos ku qoran.
1-Wuxuu Dalkiisa iyo Dadkiisa u horseeday horuumar
la taaban karo oo dhinac kastaba ah
2- Wuxuu gabood u noqday cid kasta oo ka mida hal
abuurka iyo aqoonyahanka somalida
3- Wuxuu hirgeliyay aaminaad dhinaca maalgashiga ee
mandaqada Geeska Afrika
Mudane Ismaaciil Cumar waa ka qiimo badan yahay nin
keliya af laga yidhaahdo shaqsiyada sanadkan ugu
mudan balse waxay naga noqotay inay tahay lagama
maar-maan in qofka lagu baraarujiyo sida umadiisu
ugu xisaabtamayso wixii wanaag uu sameeyo.
Alaa Mahad Leh
Max’ed Cabdalle
Gudoomiyaha Dhambaal Media
|
