Gobolka Jubbada Dhexe  October 31-2003.

Waxaa uu dhaca ama uu ku yaal dhanka Waqooyi, waxaa  uu xad kala leeyahay Gobollada Bay iyo Shabeellada Hoose,dganka Bari waxaa ka xiga Badda Hindiya, Jahada Koofureed waxaa uu deris kala yahay Gobolka Jubbada Hoose, Dhanka Galbeedna waxaa ka xiga Gobolka Gedo.

Sameyska Dhulka :-

Waa dhul hoosaad siman oo ka kooban cadduun, dhoobay iyo  dhulka looyaan wayaan. waxaa uu gobolku leeyahay goobo badan oo uu ku faafiyo biyaha wabiga Jubba, waqtiyada qaar wolow uu yahay Wabiga Jubba mid sidiisa aan waxa looga  beeran ama looga intifaacsan hab loo yaqaan (by grafity), sida wabi Shabeelle uu u badan yahay.

  Degmooyinka Gobolka:-

Waxa uu gobolka ka kooban yahay saddex (3)  degmo oo kala ah, Bu'aale oo ah magaalo madaxda gobolka, Degmada Sakow iyo Degmada Jilib.  Dhammaan 3da degmo ee gobolkaba waxaa wada mara Wabiga Jubba.

  Dhaqaalaha:-

Waxaa uu si buuxda ugu tiirsan yahay sida dalka Soomaaliya  oo dhan  ay degaamadadiisu u badan yihiin xoolaha nool iyo waxa ka soo baxa, waxaase u dheer dhanka beeraha. Waxaa ka baxa gobolka  bariiska  Degmada Jilib, Galeyda, Masagada, mooska iyo Qasabka. Waxaa ku yaal  Mashruuca Biyo Xireenka Fanoole, waxaana  ku ooli jirtay warshaddii weyneyd ee sonkorta ee Mareerey. Waxaase warshaddaas iyo mashaariic kale oo fara badnaa oo hanti fara badan la gashay oo ay ka mid ahaayeen sida Mashruucii Muggaanbo la tagay dagaalada Sokeeye.

  Nabadgalyada:-

Degaanka gobolku waxaa uu caan ku ahaa nabadgalyo iyo degganaan, waxaana dhowrkii sano ee u denbaysay ka jirtay xassilooni buuxda, waxaase mar walba sameyn weyn ku leh, dagaalada ka dhaca ama loola  jeedo Gobolka deriska la ah Jubbada Hoose. Waxaana jirta xaaladda nabadgalyo ee gobolku in ay faraha ka baxday tan iyo horaantii bishii Agosto 2001, oo ay  ku hardamayeen malishiyada SRRC oo taagyeerto Dawladda Xabashidu iyo malishiyada Dooxada Jubba oo ay taagyeerto  Dawladda Soomaaliyeed ee KMG ahi.

  Siyaadadda:-

Waxaa talada gobolka muddo ku loolamayey ururada kala ah SPM, SNF iyo SNA, waxaana inta badan ka talin jiray labada urur ee hore, basle hadda waxaa si buuxda uga talisa Malishiyada Dooxada Jubba oo garab ka haysata Dawladda KMG. Waxaase hujjuun joogta ah oo aan la saadaalin karin meesha uu ku dhammaan doona ku haysa malishiyada SRRC.

  Bulshada:-

Sidii dhammaan adeegyadii bulsho ee ka jiri jiray gobolka ay ugu baaba'een dagaaladii Sokeeye ee halakeeyey Dalka Soomaaliya, wali degaanka gobolku kama soo kaban, mana jiraan wax macno ama qiimo leh oo lagu naaloon kara adeeg bulsho ah oo hadda ka jira gobolka.