Afrika dalabkooda raaciya sawiradii ay ka soo qaadeen dhulkaas abaaruhu ka jireen.( Ima Qabato caynkani Samir iyo lugooyo!!)

Waxaad moodaa taasi inuu soo afjaray aalada internetka oo ah mid aad u degdeg badan dadkuna ay ka warhelaan dacalada aduunka sheekooyinka maalinlaha ah ee ka dhaca intaa waxa dheer Telefoonka oo isna bedelay bakooradii dadka soomaaliyeed inay gacanta ku qaataan dhaqanka u lahaayeen.

Qodobadaas oo dhan waxa dheer in dadku helay xoriyad qawl aanay cidna uga baqayn inay sheegaan sheekooyinka dhabta ah ee la hadoodili jirey, sheekooyinkaas oo ina baday dibudhac uu dadkeenu boqolaal sano dib ugu dhacay bulshada aduunkana kaga hadhay.

Waxaad arkaysaa in maanta saxaafadu tahay marinka kaliya ee dadka iyo dawladu ay ku kala qataan awdaacda ka taagan aduunka.Tani waxay meesha ka saartey in dawladu iska indha saabto dareenka dadku uu qabo waxana idiinka daliil ah in maalmahan ka dib markii ay saylac.com dardar galisey xaqaa'iq ka sheega daranyada iyo diifta ay qabaan dadkii roobabku waxyeeleeyeen ay durba waftiyo ka socda dawladu ay socdaalo ugu kicitimeen goobihii ay duruurftu ka dhacday.


Horumarka ay bulsho hiigsataayi wuxuu la talaabo qaadaa hadba sida runta looga sheego mashaariicda dhicisoowda ee masuuliyiin ka tirsan bulshadaasi ay sameeyaan isla markaana waxa la heli karaa dad kuwii hore kaga haboon oo si daacad iyo kartiba ku jirto u fulin kara mashaariicda danbe ee lagu talo jiro dadka degaankaa ku nool loo sameeyo.

Aduunka laguma arag qawm iska socda bilaa xisaabna u fuliya mashaariicda horumarineed ee bulshadooda - hugunraaca iyo cadiifad waxtarkeeda aan ladaba galini waxay keentaa isnacayb iyo kala carar ku dhaca bulshada dhexdeeda, taasi oo marka danbe dhaxalsiisa isnacayb iyo inay tuhun aan dhamaan kulala noolaadaan bulshadii awal isku duubnayd.

Dhinaca kale xagga dawlada waxaan leehay socdaal beena dadkani uma baahno oo kuwii la dhashay ee diirku iskugu yaalay ayaaba sidaa u galay ama waxtara ama socdaalo horay u eedeene ka daaya dadka

Hadaba si waxyaabahaas oo dhan loo xakameeyo waa in tan maanta qoyan wax laga qabtaa ayna soo bandhigaan gudiga loo xislaarey inay hantidii loogu talo galay dadka tabaaloobay ay kenaan rasiidyo xisaab cad sida ay ugu takri faleen lacagta qiimaha badan leh ee gacanta laga gashay ama aan idhaahdo ay iyagu gacantooda ku doonteen.

Mida kale akhristayaasha saylac.com waxaan la socodsiinaynaa in maalintii shalay ee taariikhdu ahayd April 01-2008 ay saylac.com soo ogaatey in gudigani rasiidyo beena ka dhex raadinayaan Bakhaarada ku yaala Magaalada Boorama si ay dadka u marin habaabiyaan markale hadii ay ka waantoobi waayaana saylac.com waxay magacaabi doontaa Bakhaarada ay weydiisteen iyo Dadkii ay ula tageen codsigan aan shaqayneyn oo cod maqal ah ay saylac.com akhritayaasheeda ugu soo bandhigi doonto fadeexad kalena ku noqon doonta gudiga naflacaariga ah ee jahaweeray.

Gababadii waxaan qoraalkan gaaban kusoo xidhayaa (Dadku waa dad inoo siman dhibtooduna waa dhib inoo siman ee maaha xoolo aad meel ku xireysateen oo aad loolan siyaasad wax ugu raadsataan)

Maxamed Haji    Email :maxamedxaji@yahoo.com
Saylac.com
UK