|
|
 |
|
| |
Isku soo boodada labaad ee
reer Awdal la galeen Haberjeclo waxay u dhigantaa
tii 1960 ay kula galeen USP oo khasaaraheeda loo
wada joogay.April,29,2008
Germany(Saylac.com) Umulbaa ilaawda eedadka soo
maray awdalna way ilawdaa ayaamaha mar soo maray..
Iskusoo boodadii xisbigii la magacbaxay USP ee ay ku
midoobeen gobolada Awdal iyo Sool sanadadii 1960
ayaa waxay ka dhalatey loolan xulufo raadis ku
dhisan oo aan laga fiirsan oo ay Beesha Samaroon la
gashay Beesha Dhulbahante si ay iskaga kaashadaan
Beesha Isaaq oo ay ka baqayeen inay muquuniso
codkooda hadii ay midmid u kala baxaan.
Heshiiskan lagu magacdaray Isku-soo boodo ayaa ahaa
mid cadiifad iyo xamaasad ku abuurmay oo aan haba
yaraatee Beelaha Samaroon ayna gorfeyn waxa ka
dhalan kara. Dhawr sano ka dib ayaa waxa cadaatey
codkii dadkii runta fahansanaa oo reer Awdal uga
digay inay xaalufo la noqdaan dad ayna is-ood xigin
oo ayna isku dhaqan ahayn waxa kaga iman doonana aan
cidi garanayn. Macaashkii isku soo boodada waxa ceel
gunweyn u shubtey Beesha Dhulbahante ka dib markii
ay si cad ugu abtirsadeen walaalahooda Darood iskana
iloobeen heshiiskii isku-soo boodada xisbigii USP.
Qaybsigii xubnaha dawlada wakhtigaa ee labada
beelood ee ku bahoobey USP loo qoondeeyey ayaa waxa
si ula kaca u maroorsadey Beesha dhulbahante iyagoo
iska indha tiraya heshiiskii khayaanada ku dhisnaa
ee ay la galeen Beesha Samaroon taasi oo keentey 24
sano inay reer Awdal la ildaraadaan dibudhac
gobolkooduna uu noqday gobolka ugu danbeeya gobolada
soomaaliyeed oo ilaa hadda aan lahayd jid laami ah
oo ku xidha gobolada kale.
Hadaba dhawaan iskusoo boodada labaad ee ay qaar ka
tirsan beelaha samaroon la galeen Beesha Haber jeclo
miyaanan lagu qiyaasi karin kii sanadkaa lagu
khiyaamay reer Awdal? runta hadaanan la iska indho
tirayn jawaabtu waa haa oo kunjeer lagu celceliyey.
Heshiiskan kumeelgaadhka ah ee Axmed Siilaanyo uu ku
beerlaxawsanayo qaar ka tirsan Beelaha Samaroon ayaa
sida dadka badankiisu sadaalinayaan ah mid ka daran
kana cawaaqib xumaanaya kii 1960 ee USP.
Doodan ayaan ku cadaynayaa dhawr arimood oo kala ah:
1- Marka hore labada Belood oo aan degaan wadaagin
heshiisyo hore oo lagu qiimeeyaana ayna soo dhex
marin.
2- Sababta keentey iskusoo boodadan labada belood oo
ah mid siyaasad ay isku taageerayaan lakiin aan loo
meeldayin macaashkeeda iyo dhibaatadeeda aan laga
wada hadlin marka laga reebo nacayb ay Dahir Rayale
u qabaan oo kaliya hadii uu Dahir ka dego jagadana
aan la ogayn siday ku danbayn doonto.
3- Halganka Beesha Haberjeclo ay ku taamto oo ah
halgan ay la galeen Beeshan Samaroon ee ay hada isku
xulafada yihiin tanina ay mar walba oo ay Beesha
Haber jeclo soo qaado halgankaa ay nabar ku noqoto
Beesha samaroon iyadoo xasuusinayna ragii sida
xaqdarada ah ay u laayeen ururkii SNM dhinaca kalena
mujaahid iyo halyey uga dhigan Beesha Habarjeclo.
Arimahaas iyo kuwa kale oo badan ayaa durba noqon
kara daaqad ay dadka indheer garadka ahi ay kasii
dhex sawirtaan heshiiskan iskusoo boodada casrigani
inuu sii taaba gali waayo burbur iyo kala yaacna ku
danbayn doono
Hadaba miyeyna tageerayaasha Xisbiga kulmiye ee
Gobolka Awdal la gudboonayn inay tariikhda dib u
eegaan kuna cibro qaataan mise markuu waagu dushooda
ka beryo ayey arkayaan ?
Jawaabta Su'aashaa waxa iska leh dadka waxgaradka ee
danaha Beesha Samaroon u odolosa isla markaana jecel
nagaashaha iyo danaha bulsho weynta beelaha Samaroon
oo waligood ahaa kuwo isku dana meela u wada jeeda
khasaare iyo faa'iidaba.
Waxaan qormadan kusoo afxidhayaa inay ogaadaan dadka
ka dhacsan siyaasada khiyaamada ku dhisan ee kulmiye
wato inayna xal iyo wax dan lagu sheego toona u
ahayn bulshada reer Awdal iyo Salal .
Ilaahoow danbi aanan anagu galabsan hanoo cadaabin.
Amiin
Indhaha ha kala qaato ayaan qalinka u qaatey .
Dr. Osman
Mettman,,Germany |
|
|
