|
|
 |
|
|
Awdal Development
Organization ( ADO ) ee xaruntiisu tahay Ottawa
oo Mahadnaq u soo Jeedinaya Jaaliyada reer Awdal
ee Ottawa
Feb-1202008
Ururka Horumarinta Awdal ( ADO ) ee xaruntiisu
tahay Ottawa wuxuu mahadnaq balaadhan u dirayaa
dhamaan dadkii ka qayb qaatay ama gacan ka
geystay lacag ururintii loo samaynayay
masiibadii dhowaan ku habsatay qaybo kamida
Gobolka Awdal. Taasoo taabatay dhamaan jaaliyada
reer Awdal ee ku noo qurbaha. Jaaliyada reer
Awdal ee degan Ottawa oo iyagu ah kuwa markasta
u heelan waxqabadka iyo horumarinta dadkooda
walaalaha ah meelkasta oo ay joogaanba ayaa
waxay mudan yihiin in lagu daydo. Sida aynu wada
ogsoonahay jaaliyada reer Awdal ee Ottawa, waxay
noqdeen kuwii ugu horeeyay ee si dhakhso leh uga
jawaaba qaylo dhaantii ka soo yeedhay Maamulka
Gobolka Awdal, Salaadiinta, Waxgaradka,
Odayaasha iyo Culumaawu diinkaba, ee ay ku
codsanayeen in si deg dega loola soo gaadho
mucaawino si loo badbaadiyo wixii baaqi ka
noqday masiibadaas.
Hadaba hadii aan wax yar idiinka taabto ujeedada
iyo hawlqabadaka ururkan ADO wuxuu yahay, waa
urur mudo dheer ku hawlanaa horumarinta Gobolk
Awdal gaar ahaan dhinaca waxbarashada iyo
caafimaadka kana suurto galiyay meelaha
magaalooyinka ka baxsan "Rural area". Wuxuuna
ururka ADO sameeyay waxqabad balaadhan oo la
taaban karo sida dhismayaal schoolo uu ka dhisay
meelo aanay schoolo hore uga jirin, fursadna u
siiyay caruur yar yar oo aanan fursad u heli
lahayn haduusan ururkaasi jirhin. Ururuku wuxuu
aaminsan yahay mabaadiida ah in dadku iyagu isku
tashadaan, taasoo ula jeedada ka dambaysaa ay
tahay in hadii dadku dhulkooda waxka qabsan
waayaan aysan haba yaraatee marna dhacaynin cid
dibada kaaga imanaysa oo wax kuu dhisaysa
caruurtana wax inoo baraysa.
Kahor intaysan Masiibadani ku habsan G/awdal
ururku wuxuu shirar goo goos ah ku lahaa
habeenada jimcaha iyo sabtida fadhi aan caadi
ahayn oo ay isugu imanayeen dhalinyarada reer
Ottawa inta jecel waxqabadka iyo horumarka
gobolkooda. Ururkan oo ah urur ka madax banaan
gebi ahaanba siyaasad, waa urur ku balamay
waxqabad iyo horumarinta gobolada.
Ururka horumarinta ee Awdal ADO wuxuu amaan gaar
ah u soo jeedinayaa dhalinyarada ku hawlan wacyi
gelinta, guubaabinta iyo isku keenida dhalin
yarada Ottawa, taasoo inta laga xusuusto aysan
hore u dhicin in dhalinyaro intaas leeg oo isku
hadaf iyo ujeedo lihi meel isugu yimaadaan.
Amaantaas gaarka ah waxaa sii mudan ragii sida
xooga leh uga qayb qaatay lacag ururintii lagu
sameeyay mudada 3 cisho ah taasoo lagu soo
ururiyay lacag dhan 13,611 dollar, walina wada
qaybtii labaad ee lacag ururinta. Ragaas oo kala
ah: Rashiid Cabdi Bakal, Harawe Sh Cumar Good
iyo Rashiid Cumar Diiriye. Waxa kale oo isaguna
mahad celin mudan tafatiraha harowo.com Axmed sh
Farax oo markasta ururka la garab taagan wixii
talooyin iyo tusaaleba ah
Ururku wuxuu leeyahay xubno badan " Members "
iyo gudi joogto ah " Central Committee " oo leh
talooyinka iyo go'aan qaadashada ururka ADO.
Waxaana Central committee gaas ka mida :
1) Maxame Cabdi "Gadhweyne "
2) Mustafe Rooble Doodi
3) C/Risaaq Yusuf Weyrax
4) Mustafe Cabdi Xaaji
5) Harawe Sh Cumar Good
6) Rashiid Cabdi Bakaal
7) Rashiid Cumar Diiriye
8) Axmed Siciid Yusuf Bakal
9) Cisman Yusuf Talan
10) Yaasiin Axmed Muxumed
11) Saleebaan cabdi Dugsiiye
12) Xasan Cali Ibrahin
Gebo gebo iyo gunaanadkii waxaan jaaliyadaha
kale oo qurba jooga reer Awdal ugu baaqaynaa
inay iyaguna ka qayb qaataan sidii loogu gurman
lahaa dadka ay waxyeeladu ka soo gaadhay
roobabkii qaboobaa ee dhowaan ka da'ya G/A si
loo badbaadiyo inta hadhay lana tuso in hiil iyo
hooba lala garab taagan yahay.
Xoghayaha isgaadhsiinta iyo Iskaashiga caalamiga
( Secretary for Communications and international
relationship of ADO )
Mustafe Cabdi Xaaji
Ottawa , Ontario
Alimsutaf@gmail.com
|
- To Submit Information Click Here -
|
|
