|
Hees Abdinuur
====BOGA
SUUGAANTA DAAWEEYE IYO Maxamuud
Abdilahi Rooble
Gabaygan waxaan ugu magacdaray
shanqadhweyn sababtuna waxay
tahay ka dib markii uu Abwaanka
qaali ah ee aanu saaxiibka nahay
Abwaan Bashir Sheekh Cumar Good
uu helay dhawr gabay oo aan
dhawaan isaga si gaar ah ugu
diray Jawaabteediina uu kusoo
celiyey "Walaal Gabayadaadu
shanqadhweyn ayey soo wadaan
runtii waxaanan ka dhex
sawiranayaa Murtidii Ugaas Nuur"
sidaa
awgeed ayaan gabaygan ugu magac
daray shanqadhweyn aadna mahad
weyn ayaan Abwaanka nooga
horeeyey suugaanta Soomaalida ee
Abwaan bashir Sheekh Cumar ugu
mahad celinayaa tilmaantaa iyo
hogatusaaleynta hiyi galintu ku
dheehan tahay. Gabaygan oo
xarafka shiinka oo abwaaniin
badani ku tilmaamaan inuu
xadidan yahay helista
suugaantiisuna ay ku xidhan
tahay hadba intuu
hibada Eebe kuu siiyo ayaa waxa
tiriyey Abwaan Maxamuud
Cabdilahi Rooble tariikhdu
markay ahayd 04,07,2008. Kani
waa qaybtii
kobaad ee shanqadhweyn.
Wuxuu yidhi:
Shanqadhweyn hadaad sheegtey waa
,sheeko yaabadane
Hadaad shallow kasii dhici
runtaan ,shayba loo dhigine
Sida shaaca waaberi murtidan,
sharafta loo yeelay
Qasab kuma shirbeeyee ,shugriga
Eebe waw mahade
Waa shamista muuqeeda iyo, kaymo
shaalimane
Waa shaacir hadalkuu yidhaa,
shayba loo dhigine
Waa sharaf dahsoonayd hadaan ,ceel
ka soo shubaye
Shuxshux maaha suugaanta waan,
kala shubaayaaye
Sharna maaha duulan coloo ,shaahidbaad
tahay
Sharcigeeda ruuxaan aqoon,
sheegi kari waaye
Shuruudaha ragii hore dhigaa ,lagu
shakaalaaye
Intaan shaal usoo xidho ayaan,
shaylihii dhigiye
Sida gabadh garays loo shushubay,
shaadirkiyo luulka
Oo sheekh kusoo fooleh iyo,
meherna loo sheegay
Oo dumar la shawshawrayaa,
shaykastaba saaray
Heelada shirbiga loo tumiyo,
sharaxa nuuciisa
Haween wada shareerani shaxlayn
shagax ka siinaayo
Oo shaahid loo yeedhay iyo odayo
shaalweyna
Shifo haw ahaatee ninkii shidena
eegaayo
Kaba shaagle duukhiisa helay
sheeko laga reebye
Luul shubcayb ku hoosjiriyo waa,
dheeman shalaxlayne
Shabadaa ninkii helay kolay ,wuu
shabacayaaye
Hadaad shicirka dawgiisa iyo
sharafta loo yeelo
Ama aad shucuutriisa gabay ,shiinka
ka hingaadin
Waa inaad shareecada martaa,
shakina waa ceebe
Sida sheekh kitaab shubaya oo ,shayna
ka hilmaamin
Shalilaha haduu seego waa ,sheeko
baralaye
Shibanaha xuruuf lagu xardhiyo
shaqalo waaweynba
Waa inaad wuxuushtoo dhaniyo
shiin wixi galaba
Shaydaan kolay tahay murtida
sheegto camalkiise
Shaqalada hadaan sii dhexgalo,
amase aan sheego
Shimbiraha cirkaa duulayee,
samada sheexaama
cirka shawle heegada shax tidhi,
waqalka sheemaaya
Xareed shuluqleh doogii dhulkoo
,shaarubaha qoystey
Oo shagagax roobkii uda'ay ,dhibic
ku shayshaydhay
Geedaha shuxmanayaa caleen,
shaala wada haysto
Shoomaasi aan lagu ogayn, shoona
laga naarye
Nin shifaysan waayaa ma garan ,shaafiyow
nabade
Balaayada shinkeedii galaa ,loo
shan tumayaaye
Markii shimiqda hoos loo yidhay
,shiiqday nabadiiye
Laye shaaha ii qaad anaa ,shaadhcad
kuu galine
Maamuus shilayskay lahayd ,shay
kamuu hadhine
Shaarubo libaaxbay gashiyo ,shilin
afkeediiye
Nimanyahow sidii sheekhu rabay,
looma shaawirine
Shiri edega foorara sidii ,shacaw
abaar jooga
Hadii neef urtiisa amkaday ,shufati
shiixaamo
Oo xero shabeelkii u dhaco ,ina
shadeed qaado
Shuu inaad tidhaahdiyo inaad,
shib iskasii joogto
Shuxshux hoose way nala hadhoo,
shaaxid baan ahaye
Qalbigu wuxuu shanjeer soo tufaa
,shid iyo waabaye
Labadaa inaad sheegtid baan ,kaa
shin sugayaaye
Hadaad shicirka dawgiisa iyo,
sharafta loo yeelo
Ama aad shucuutriisa gabay ,shiinka
ka hingaadin
Waa inaad shareecada martaa,
shakina waa ceebe
Sida sheekh kitaab shubaya oo ,shayna
ka hilmaamin
Shalilaha haduu seego waa ,sheeko
baralaye
Shibanaha xuruuf lagu xardhiyo,
shaqalo waaweynba
Waa inaad wuxuushtoo dhaniyo ,shiin
wixi galaba
Shaydaan kolay tahay murtida,
sheegto camalkiise
Waaloo shintiriyaa murtida ,tii
shilays badane
Dhegahaaga waanada ku shubo
,shay kalaa dhimane
Sida sholimaad waqaf catilan ,ilo
muquul sheeney
Ama sheekh dadkii uu mudnaa ,sheeda
uga baydhay
Ama ceel ragii shubi lahaa ,baladka
shaaxaayo
Ama shacab dantoodii ka biday ,sheeko
iyo haawi
Dareenkaa i shiday iyo dhibtaa ,shaadhka
loo tolayo
Shisheeyuhu dhibtuu geysto waa ,laga
shangaadhaaye
Sharka dariska kaa soo galaa ,shayba
loo dhigine
Shoocaaliga racwiga ay wadaan
waa ,mid sheed tagiye
Shariiryaha danbaha saaran iyo ,xumaha
shayeysan
Anigoo sharookh filaya iyo ,sooryo
sharafteeda
Shiraaqyada utolo meel cidlaha ,wayla
shaykale e
Anigoo shaleewimo is idhi ,shacabku
naweeli
Hadii niman naflaha wiirsi shubi,
ila shicwaw loolo
Shiigaari nooliba marbuu ,shalaw
ka boodaaye
Shiqi Eebe diidiyo hadii ,shafati
loo heeso
Shaafici kitaabkiisa way ,kala
shidoobeene
Shufshuftii ruqaansiga haduu,
shanabadii soohay
Shaharkaa bilawduu u baxay ,camalkii
shaydaane
Shegyi hadimo loogsaday ,shujaac
looma shaawilo e
Shilka dhacay anoo filaya inuu,
shacabku dhawraayo
Walee niman shukaysani sidii ,habar
shilasdhaftey
Intii laigu sharaf raadsan laa ,aniga
oon shaashin
Cadaab shidan inaan dubuq idhaa,
amase aan shiilmo
Ama sheeda aan uga baxoo ,sheego
magacayga
Shuxshux hoose way nala hadhoo,
shaaxid baan ahaye
Qalbigu wuxuu shanjeer soo tufaa,
shid iyo waabaye
Labadaa inaad sheegtid baan kaa,
shin sugayaaye
Shamis iyo ilays muuqda oo,lagu
shuraakoobo
Shafka waxaan ku haystiyo hadaan
,sheego malahayga
Dhaxaan shib soo wada marnee ,shaaca
kaga qaado
Sharadbaan ilaahay la maray ,inaan
ka shiixayne
Shiki maleh inuu reer tolkay,
sheekhyo leeyahaye
Iyo sheybayaal taliya oo shubi,
aqoontiiye
Inay shawrto ooy wada shirtoo,
midina sheed aadin
Iyo inay shirqool adag gashoo ,sheeko
laga reebo
Shuraakada wanaag lagu galaa ,lagu
shingaadhaaye
Sharkanaxa naxligu leeyahay ee,
shilinka loo raaco
Markay wada shidowday galeen,
beled shishaade
Shixnad maaha reeruhu la gayn,
shiilo iyo dheege
Ninka sheeko hadal moodayow ,shaahid
waataniye
Shafeecada kuwii lagu ogaa ,sharaf
ma haystaane
Shanqadh baa ku xidhan reerihii
,shiine soo diraye
Shido iyo wixii shoog kumaray ,shaaluf
iyo ciilba
Bal inuu dadkani sheesi yahay ,amase
shii joogo
Wixii shalay nasoo maray ayay ,shaadh
u tolayaane
Shaxda jagida ways kaga kulmaan,
magaca sheedaaye
Hadana sharaftu gaarbay u tahay
,sheelan tii mudane
Dhulka kii shaxsoon ee nirguhu,
shamayda laacaayo
Iyo shaarac doog aan ka bixin ,kala
shiciin roone
Shuxa roob dabayluhu wadaan ,tifiq
shalaaxiisa
Mahiigaan shinkiisii socda oo,
karan ka soo shawleh
Iyaguna inay kala shubteen ,shuqulku
weeyaane
Shugri uguba oo sheekhii dhalay
,edeb ku soo shaaley
Shacni iyo wanaag lagu galaday ,waa
shifiyo deeqe
Iyo tii shaxeex aan lahayn ,lagula
shawshawro
Adiguba inaad shaahid tahay ,tii
la sharaf siiyo
Labadaasi inay kala shubteen ,shuqulku
weeyaane
Hadaad shicirka dawgiisa iyo ,sharafta
loo yeelo
Ama aad shucuutriisa gabay ,shiinka
ka hingaadin
Waa inaad shareecada martaa,
shakina waa ceebe
Sida sheekh kitaab shubaya oo ,shayna
ka hilmaamin
Shalilaha haduu seego waa ,sheeko
baralaye
Waa inaad wuxuushtoo dhaniyo
shiin wixi galaba
Shaydaan kolay tahay murtida ,sheegto
camalkiise
Shalaytada shiftadu soo wadiyo ,xumaha
soo shawleh
Ogobeey shirloo uunsiyaa ,shiday
dhulkeeniiye
Shabaxsami Malaha seega waa,
lagu shidoobaaye
Nabadii dadkani sheegan jiray,
nimankan shaasheeyey
Hadii faras gamaanoo shin jiray,
goodi lagu shaamo
Markuu garabku shoocaamis galo ,damaqu
sii shaaco
Shanqadhkale mayeeshee ,shafkuu
sarey utaagaaye
Orodkuu shaxaadaa Calow ,shilix
ka liicaaye
Shakaalkaba markuu tuuro bay ,doqoni
sheegtaaye
kolka inay shahiid taagan tahay,
shuqulsi leexeeyey
Lufadii shatiga naawilside ,shuushkiibaa
helaye
Shareeradi intey kula odolin,
nabadu sii shiiqin
Inaad shirar samaysaan aduun ,shoobi
laga waaye
Oo aad shujaac leedihiin ,shida
aloogtiina
Iyo inaad shirqoolkaas rabtaan ,taniyo
shaanshaanba
labadaa inaad sheegtid baan ,kaa
shinsugayaaye
Hadaad shicirka dawgiisa garan,
sharafta loo yeelo
Ama aad shucuurtiisa gabay ,shiinka
ka hingaadin
Waa inaad shareecada martaa ,
shakina waa ceebe
Sida sheekh kitaab shubaya ,oon
shayna ka hilmaamin
Shaliilaha haduu seego waa ,sheeko
baraleye
Shibanaha xuruuf lagu xardhiyo,
shaqalo waaweynba
Waa inaad wuxuushtoo dhaniyo ,shiin
wixi galaba
Shaydaan kolay tahay murtida,
sheegto camalkiise
Sanqadhweyn Qaybtii 1aad
By/ Abwaan Maxamuud Cabdilahi
Rooble
Tafatiraha Saylac.com
email: Saylacnews@yahoo.com
|
|
Gabaygani wuxuu soo baxay Jun,22,2007 Wuxuuna
Taageerayaa Maansadii Roda X. Misan ay ka
tirisay Shirka Awdal ee ee Waqooyiga Amerika .
Shalay ayey Rooda Ila soo Hadashay waxaanan u
sheegay inaan aad ugu faraxsanahay Maansada ay
tirisay waxaan jawaab ugu diray sidatan:
Guubaabo gabaygii ahaa garasho weeyaane
Guux buu la soo baxay arlada geli wanaagiiye
Geeraar da'weyn oo la hubo mudan garaadkeed dheh
Gororkii murtidu ay lahayd gabagabayntii dheh
Dabaylaha gugii soo wadiyo gugac sidii dheh
Gamboolay dhamaanteed ilayn garani maayaane
Gorgor xaytey geenyada gilaman haadka galawlayni
Gaax soo baxaysiyo murtida guudka loo dabay dheh
Godol waayo reeruhu sugeen gorof ka buuxeed dheh
Gidigood haweenkaba hadaad gees iskugu keento
Erayadan garaadkoodu muu gaadhin waligiise
Guncad caano laga maalay iyo gabay wanaagiisdheh
Garaaraha ku yaalan arkaa waa gayaan wacane
Gabalkoo dhacaayiyo aduun muuqa galabeed dheh
Jidhkaa iga gariiree wanaaag gabi ahaantiidhe
Golihii habaasweyne iyo jidhi garooceed dheh
Xareed laas gundhow laga dhamiyo gaaxo hadalkeed
dheh
Galey reero beerteeb diraac garani maysaane
Hadhuudhkoo guntii wagac tidhiyo guus ku soo
baxay dheh
Geedweyne laamuhu gunteen waa gahayr baxaye
Giirqaarka layskuma wacee gibilcad muuqeed dheh
Guntin hadalku uu leeyihiyo eray gobaadkiidheh
Kuma foofto geyr laasimee geedi socodkii dheh
Gadaaf gartii loo dhigiyo, gogoldhigeedii dheh
Geesiyaal dagaal lagu ogaa, goolka loo qalay
dheh
Gawriir tilmaan dhaaftey iyo gudasho xoogweyn
dheh
Gurcud-dama dadkoo taagan madaw gabal ku soo
fooleh
Oo muuq garaaracan watoo uunka wada gaaray
Oo gudub u kala baxay falaadh geeskastaba geeyey
Ilays gurux sidiisii socdiyo guuyo sharafeed
dheh
Gaalaadhi karantoo huftidhi gubankii hoosaadheh
Ganacsade macaash buuxsadoo farax la geygeyleh
Guule mahadii weeyee dareen soo gadaad baxaydheh
Galbeed sharafta lagu oogay iyo Awrdil garabkeed
dheh
Galbiskii wacnaa iyo gadii awdal Gacalkeed dheh
Gudin xumaha goysiyo wanaag guudka loo dabay
dheh
Guutooyin gulufkay wadaan guux ka soo baxaydheh
Gabagabo murtidu leediyo guulo xeel sida dheh
Ganbo dumarku way wada xidhaan goor iyo ayaane
Tixo gaamuroo lagu ogaa gacalkay raadkiis dheh
Waran geesi tuuriyo gamuun ganid waxsaarkeed
dheh
Gudbin xoogleh oo lagu ridalay goodir geed galay
dheh
Gaadiid wax qaadiyo amuur Awr isgarab joogta
Oo gaafka socodkay wadaan geedi loo rarayo
Talaabada markay wada gudbaan waa gudoon kale e
Gooh kama baxee waxay socdaan gabaldhacweeyaane
Hadii geesigii waday colaad lagu gax siisiiyo
Oo qaar u sii galay gundigu weerar gabaxsiiyo
Dibu gurasho loogama fadhiyin waa guhaad jira e
Waa inuu guntiga giijiyaa guuldarow darane
Hogaankii u saarnaa garbaha geedka sare saaro
Ilaa uu ka go'o weyna gedin gorayacawshiiye
Adiguna gadeedaad tahiyo guri ardaagiiye
Gadabuursi waa lagu ogaa gacalwaniigiiye
Iyo geesiyaal aan aqoon geeri baqadkeede
Gartaa weeye maantana inaad geed iskugu keentid
Gartaa weeye inaad gaariyahay halo garwaaqsiisay
Gar islaam ayaa wada lahoo guule ugu deeqye
Gartaa weeyi inaad guurtidii erayo gaadhsiisay
Gada kale hadaan sii guroon gaadho hadafkeeda
Oon erayo gaashaaman rido waa gadaan rabo e
Haduunbuu sidii geel irmaan soo garwaaxsadey e
Gariguba markuu daaq yidhaa hawd iswada gaadhay
Kama goosto geedaha dhulkee boodhku garab yaale
Laamaha la gaadhayn ayuu garab istaagaaye
Guudkuu ka daaqaa midhaha gooriyo ayaane
Ana gabayga waan kala guraa sida garaadkiiye
Goos-goos ayaan ugu qoraa loox igarab yaale
Goortu aadmi wada seexdo ee guuxu kala guuro
Ayaan gooni ula soo baxaa hadal la gaadhaaye
Isagoo gudoon wacanabaan kala gun gaadhnaaye
Sida aar la ganay waa inaad guuxdo abidkaaye
Geeraar wanaagii hadaad abid uguuxaysid
Waa inuu ku gaadhaa xanuun gaadha oogadu e
Inaad hadalka gaagaabsatoon ruuxba kaa garane
Galiilyoodayeey waa inaad hadal ku goysaaye
Nabsi wuu gudaa mabase guuro abadkiiye
Ruuxii gaf kaa galay isagu wuuna garanayne
Gocashada xanuunkaleh xusuus waa gadaan qaba e
Hadii reero geestaada yaal la isla garan waayo
Gujadiyo haday kugu hayaan eex isgarab taala
Oo galbeed kuwii lagu ogaa dhibi ay soo gaadhay
Intaan geeb qaxwa ah laga helayn reero
gabigoodba
Geeraar wanaagii hadaad abid uguuxaysid
Waa inuu ku gaadhaa xanuun gaadha oogadu e
Inaad hadalka gaagaabsatoon ruuxba kaa garane
Galiilyoodayeey waa inaad hadal ku goysaaye
Sidii geesi hiilwaayey oo gacaladuu haystey
Iyo gabankii uu maali jiray ee uu garab joogay
Intay niman colaad goobayii waramo guudsaartey
Garbaduub intay hoos wadheen geedka dacalkiisa
Oo biri magaydii caruur gacaladii laayey
Kala guuray maalkuu lahaa guri ba weeyaane
Geeraar wanaagii hadaad abid uguuxaysid
Waa inuu ku gaadhaa xanuun gaadha oogadu e
Inaad hadalka gaagaabsatoon ruuxba kaa garane
Galiilyoodayeey waa inaad hadal ku goysaaye
Sida Calanka guudkeena sudhan ee aad garanaysid
Oo gayiga uu yeelan jiray lagu guboo qiiqay
Oo gobolkastaa goonidii dhibi u gaadhayso
Oon garan dhibtey soo wadiyo magacan guuraaya
Oo xabashi gaalihi damceen badahan guuxaaya
Geeskastaba ka eegoo wanaag laisku garan waaye
Markuu geedkastaa ololobay Guule baridaaye
Geeraar wanaagii hadaad abid uguuxaysid
Waa inuu ku gaadhaa xanuun gaadha oogadu e
Inaad hadalka gaagaabsatoon ruuxba kaa garane
Galiilyoodayeey waa inaad hadal ku goysaaye
Sida gaari wacanoo qurxoon oo lawada goobo
Oo guudka dabatoo indhuhu kaba go'ayn muuqa
Oon garan waxay damacsantahay gooni socodkeeda
Gadaa waxay guyaal sii wadaba way galaalaxane
Dhabankeedu goortuu gudhay garan wanaagiiye
Guurkana Ilaahbaa baxshee gaadhin calafkeedu
Oon gama an ladin oon lahayn gacal u yeedhyeedha
Geeraar wanaagii hadaad abid uguuxaysid
Waa inuu ku gaadhaa xanuun gaadha oogadu e
Inaad hadalka gaagaabsatoon ruuxba kaa garane
Galiilyoodayeey waa inaad hadal ku goysaaye
Sida ruux jacayl gubay naftii oonan garab haysan
Oo goorta uu garab yimaad ruuxu garanaayey
Nafta gucashadeediyo hamigu aanu kaba guurin
Oo hadalka guudmara markuu gacaladii eego
Hayeeshee indhaha galaclihiyo uurku gabanoobey
Inaad hadalka gaagaabsatoon ruuxba kaa garanin
Geeraar wanaagii hadaad abid u guuxaysid
Waa inuu ku gaadhaa xanuun gaadha oogadu e
Galiilyoodayeey waa inaad hadal ku goysaaye
Gundhiciyo ujeedada hadaan hoos ugarab raaco
Oon geeyo goluhuu lahaa lagu garqaadaayey
Walee gabayga aad sheegtey waa midho gobaadkiiye
Geeraar haboonbuu ahaa uunka wada gaadhye
Gobtii liicday oo soo kacdiyo waa garaad sare e
Waa gaax qarsoonayd murtida garabdhigeediiye
Ku galaashay odayada hortey gabayo waaweyne
Geeraar wanaagii hadaad abid u guuxaysid
Waa inuu ku gaadhaa xanuun gaadha oogadu e
Galiilyoodayeey waa inaad hadal ku goysaaye
Abwaan Maxamuud Cabdilahi Rooble
saylacnews
email;saylacnews@yahoo.com
To.
Mohamoud Abdilaahi Rooble
Cabdilaahi Roobloow
walaalkay rumaadoow
Gobanimo raggeedoow
Raganimo ninkeedoow
Reebaha xumaantoow
Ruugaha quraankoow
Runta taliyeheedoow
Riyo kuma habaaboow
Ratigeeni Sulubee
sidi jirey rabaalkee
Ridi jirin karbaashkee
Rudhi jirey maraagee
Raamsiga wacnaabaan
sharaf kuugu soo raray
Cabdilaahi Roobloow
walaalkay rumaadoow
Gobanimo raggeedoow
Raganimo ninkeedoow
reebaha xumaantoow
Ruugaha quraankoow
Runta taliyeheedoow
Raamaale qudhacoo
xalay roobki helay oo
Raysiyo udgoonloo
Dhaameel ruxaayoo
Ubax ragax ka siiyaan
Raxmad kuugu soo diray
.......................................
.......................................
Abwaan Daweeye
Jun,13,2007
Daaweeye farikama qodna
>>Dhismagabay dhawaaqiyo xigmadi, dhalasho weeyaane
lama dhiirigeliye e Allaa, dhiiba oo hura e
Hawacaafimaad
iyo Himiloqaran' Gabay
By/Abwaan Axmed Warsame Hassan 'Daweeye'
May,30,2007
1.
gacmo hoos u jeedoon aqoon hooda bixinteeda
2. hebed inu gudoonkaagu yahay amase hiihraac ah
3. eex lagu harraatiyo xaqoo hibasha dheer
keenta
Gabay>
RIIQASHO
Raadraaca suugaantu, waa raasamaal jira e
Waa geed rucweynoo ku yaal, raas qabowbadane
OO rucubta saarani indhaha, raaxo galisaaye
OO ruxid aan kaa rabin, runbaa lagu hagaagaaye
Dareemada ridada uga baxsani, waa radaab kale e
Raamaha waxay ula baxdaa ragagax weeyaane
Rashbaa lagu ogaa garab dagiis, riixo xididkeede
Waxa rimiyey heegada rax tidhi dhibic rataaleyne...
Gabay >IQRA
Iqra weeyi odayadu waxay eega filayaane
waa abaqa guudkiisa iyo unun diraac taale
Waa oogta waabariga iyo idan Ilaahaye
Aleelada ku taal baan arkaa aragsamaanteede
Waxa adhaxda kaga yaali waa ayaatiin wacane
Uhda laga abuuraan ogoo waa udgoon taniye....
Gabay>MIDIDIN
GAALO
Maryaa dumarka laga siibayee muhasho loo qaawin
Ee diinta lagu maagganyahay mahadho weeyaane
Ninka masuulka laga saarayaa maandhow waa adiye..
...
Ateye
Abwaanka soo dhawow ku dheh:
Deeqsiga aftankeed wadaan dooji leeyahaye
dardar geli ayaan leeyahiyo darajo sii saare
sahanbaan udiri duuda iyo door dhulkaan maraye
diiwaan qasriya udagaan dayr kusoo xidhiye
dugsi weeye lagu diirsadiyo deeqsigaa jira e
dilka iyo xumaantuu nacaa diif wixii wada e
daciifkiyo agoontuu ilayn daadahayn jiraye
dumarkii ragoodii la dilay duhurdharaareedna
ruuxii daneeyuu yidhaa Doodibaad tahaye
sida boqor dulqaadbadan hayoo deeqsimaad
badanleh
danjiraha dahsooneed wadaa dawgibuu helaye
maskax dararsan buu soo wadaa daayin abidkaye
darasaad fogbuu soo wadaa dowgu suu yahaye
aniguna darkaygaan lawadi deelwuxuu raba e
darandoori suugaanta waan dari aqaanaaye
darka hoose eeyleedahaan dawlis soo sudhiye
daraasaad inaan wada galoon damalna foofgeyno
daba socod mayeelee murtida darartey soo daadheh
Mohamoud Abdilahi Rooble
April,06,2007
Maansadan waxay daba socotaa tusoolooyin dhawra
oon siiyey Umadu inay qataan isku dana ahaadaan
danta gaarka ahna meel dheer dadka uma wadee la
iska dhaafo ta guudna la eego si umadu horumar u
hiigsato. kuwa wanaaga neceb ee dadka ku dhex
dhuumanayana dadku iska garto runtana loo sheego
.
---Tusaale----
tusmada hore eetidhaay
talaabadu saarantee
inaan tiir adag dhisnoo
midkeena tamarta daran
tageero wax siinta iyo
toliinbay naga rabaan
tola'ay hiil kuuma tarin
inuu talan taaliyoo
talaabada igu dariyo
inuu tooyo ciil aan goin
Mohamoud Abdilahi Rooble
saylacnews
April,06,2007 Gabaygan Hoori aan
ugu magac daray waxa uu ku socdaa raga doonaya
inay wiiqaan kulanka taariikhiga ah ee Jaliyada
reer Awdal ee Waqooyiga Ameerika degani damacsan
yihiin inay isku arkaan, danaha guud ee umadana
kaga hadlaan bisha Juun ee sanadkan . kuma socdo
qof gaara balse wuxuu ku jeedaa qofaf dhawra oon
jecelahay inay dhawraan danta guud. Waana
kan:
- -Hoori-- GABAY
Hawraar horlaan kuu hayaa sida halyeygiiye
Hasaawibaan leehay yey habaabgaline
Sida hawda karantoo ka da'ay Halisiyo guudkeeda
Markaan haybta suugaanta galo een heelo
tirinaayo
Hiinraag ragbaa uga baxa inay heleen weedhe
Iyadaa isoo haybsatoo heenshay waa hore e
Maantana halbaan doonayaa inaan hingaadshaaye
Ninwaloowba heensaha u furo hoohey waatani e
============================================
Hadii aad hurdada sii wadaan idin hidaawashey
Haraatida tolkaa laguma dayo hiiqi waligaaye
haydaartu way kula tagtaa hiila kaamaqane
Hebelbaa sidaa nagu hayiyo hibasho mooyaane
Hibadii Ilaah dhigay dhulkaad Hiiro galiseene
===========================================
Waa lagu habaabaa rayiga Hoori kuu wada e
Halaq iyo dhibuu soo wadaa hawd cidlaha yaale
Hawo beena huufada wadaad habagsi moodeene
Kuwa howdka kula jooga ee haybta kaa maraya
Hawshaadu inay hoolaftay hiigsadaan waliye
Intaan hadalku sii dhaafin bari heeryadhaca
jooja
==================================================
Hadafkaaga goortaan heshaad heelo tirisaaye
Maanta waad haleeshaa inaad Hool ku kulantaaye
Hambalyada usoo dira horseed soo baxaa jira e
Hinqashana ha daynina ragwaa haabo meelsare e
Umadaa Hayaankeedu yahay heego dacalkeeda
Habaas boodhleh hiiftiyo dhibtii lagu
hantaaqmaayey
Hungurada ninkii raba inuu hoycad ugu oodo
Hagardaamo ruuxii u yahay hadalkuu sheegaaba
Heeryadhaca inuu joojiyaan sugayey haabteede
Waa shay hadoodilan sidii hororkii cawleede
Hujuun adag intaad qaado ood heegan ka ahaatid
Hilbihiisa sudha meelsaroo haadku ku hifleeyo
Mohamoud Abdilahi Roble
|
XUSUUS
GABAY
Xeebaha dhulkeenii wacnaa xiiso ii galay
dheh
Alow yaa xisaabtii yar taga xooray
dhinaceega
Alow yaa xariir soo gada oo xaali damac
raadsha
xoolaha ilaah nagu galaday xero ku soo ooda
Xurmo geesi waa bixin jiree xaadir ugu geeya
sida xayska roobkoo ka da'ay xeebta
dhinaceeda
xoodhxoodhka kugu raagay waa xanuun kale e
gacal iyo xigaalaba ayaa ila xajoo heesa?
Xuubridasho aadaan rabee yaa i xanakeeya?
Xirsi Aaden yaa soo diriyo Xaajiyadii
joogay?
Xawaariin sidoodii ayaa xerada soo buuxsha?
Xadradiyo Ciyaaraha tumoo Xooxda naga reeba?
Alow yaa Ilaa xidigu dhaco Xaali la ciyaara?
===============================
Xashaa Lilaahiye rag wuu kala xishoodaaye
Alow yaa xigaalada u dira xoolo dhawr madax
ah
xagtin inaan ka dhawraa haboon
xuurancayntani
nafta xiisahay raadin iyo waa xusuus taniye
xanaanada indhuhu ay rabeen xaalku suu yahay
dheh
xaragada wanaag lagu dariyo xiiso aan go'in
dheh
Xanaanada naftaydaydani rabtiyo Xiisadaha
qaardheh
Xaliimaale yaa kula balama xuuralcayntani
dheh
Xalwad laysku soo diriyo waa xisaab kale e
Xaflad weyn ayaa uga tuma xeebta garabkeeda
Xildhibaano yaa soo dalbada Xaashi iyo
Muumin
=========================================
Xada kalena waa erayo xoday xiiqna aan
galine
waa erayo xoodaamis badan xeeshu sey tahaye
waa Xamar gamaan lagu alkamay oo xiimi
dawyada e
waa Xaramka quruxdiisa iyo Xarako dheeraade
Waa hoy xariir laga heliyo luulka xeebaha e
waa muuqa xeebaha dhulkiyo xayn ugaadha ahe
Xanxantada markaan saaro gacan jiif xamili
waaye
qaarbaa xawaasheeya hadal xero ku geyskoode
Xaashaa Lilaahiye yartani waa xulkii hore e
Xajiimooday ee yaa hadaba ila xajoo heesa
Xuubridasho aadaan rabee yaa i xanakeeya
Xusuustani aan galay caawu waa xujiyo yaabe
Alow yaa xilkeedaan maree ila Xajoo Heesa?
Alow yaa xambaaroo naftani Xiinka iga jooja?
Yaa xeesha igu taakulayn Xeebihii tagista?
Xantaydana Ha maqashee ayaa xooja hadalkayga
Mohamoud
Abdilahi Rooble
SAYLACNEWS
|
Arliya , "Gabay"
April,13,2007
Sida tiixa Roobkoo tif yidhi Taydu
waa taniye
Anoon tiicin hadalkoo furura Tixo
wanaagooda
Waxaan ula tacaalaa sidii Tawrigoo
kale e
Tarankeeda goortaan helaan tamashle
geeyaaye
Tartiibaan u sii tarariyaa toobiyaha
qaare
Hadii aan tilmaantiisa galo
taajirbaan ahaye
Taxriif lagama helo taydu waa sida
Tarmiidkiiye
Tuductiisa nimaan hayn tixaha taag u
heli waaye
Targaalkaan u soo gooyey iyo Tayga
dhinac yaala
Waxay ii timaadaa markaan tolay
hugeediiye.
Tusmo roobka subax uu ka tago
tiigsimaad wacane
Indhuhu kamaba toosaan hurdada tii
wanaag badane
Toolmoon nimaan helin Arladan taabo
gali waaye
***********
Ta'da kalena waa gabay tilmaan
tiigsimaad wacane
Ragii faalka talantaalin jiray
furihii soo tuurye
Markaan tobanle falanqee is idhi
fanaxdii soo taagye
Fooraha tuftufayuu wadaa waa tilmaan
kale e
Tusbax go'ay sidiisii wakaa sii
tiraabsaday e
Haduu muuse soo toosi laa maba
talaabeene "Waa Muuse Qorgaab"
Nafaan tamar lahaynbaan bustaha
tiirso leehaye
Ku tuntuunso oo yara talami tii
Alley noqone.
************
Tilmaantaydu waa sida gantaal toos
usoo baxaye
Waa sida tafsiir sheekh wadoo toosin
hadalkiiye
Waa tusaale laga daaho doqon taashi
garanayne
Tawaawaca dhibay ula tagtaa Tuulo
joogana e
Tafsiirkeeda ruuxii ka dhaci taabo
kali waaye
Tashiil kama rabee suugaana waa
teeda ugu roone
Taariikhda duuga ah ayaan taaj usoo
xidhiye
Ciil igu tamuukhaan calow soo tuf
leeyahaye
Lilmadaa isoo tifiqle ee taaban
dhabankayga
Waa toogo aan leehay gaadh taaminbay
noqone
Kaligay Itaal uma hayee haday taabo
galiweydo
Ubadkaa tarmaayaan la sugi
uurkutaalada
************
Afartaa sidii Tiisihii Qalin ma
taabsiiyey
Taag sare intaan saaray saw toos
umaan odhanin
Tihiinkeedu inuu liito doqon talo ma
taabsiiyey
Ma taakeeyey taariikhdu waa teena oo
kale e
Ma tiigsaday Sidii Haad tuhmiyey
hilib Tog hoos yaala
Tawxiidka Eebiyo Xaqbaa lagu
tanaadaaye
Tawfiiq markaad yeelataad turuq ku
faantaaye
Hadii xaaje toosnayd mid kali tuur
usoo bixiyo
tafaraaruq hoog iyo dhibaad tuuladaa
abid e
Ma tasow kaley nala rabaan tanina
waa yaabe?
************
Hadal tiro ma fiicnee Hadaan Talada
soo gaabsho
Faaalkii ma tiro buuxsan oo fanaxdii
soo taagye
Taageero xoogluu rabaa toos u bixi
waaye
qabqabluhu intuu taagan yahay taahu
bixiwaaye
Ka tashada Arliya samankan hooy laga
Itaal roone.
Mohamoud Abdilahi Rooble
Saylacnews-
comments:
admin@saylac.com
|
Taariikhda Madow ee SNM in la
qarshaa Haboon
April,10,2007
XUSULDUUB
Xinkoodii ururaybaa
Xerada soo dhaafay oo
Xabaalay nagu wadaan
Xiligan kala guurka iyo
Xornimo doonku uu kacee
Xamaastii loo jaro timaha
Inaan xero edeg galoon
Xudhuun adag daaqna oo
Xeebaha ay naga xidhaan
Haday xeel dagaal galeen
================
Anana inan xaydanoo
Dagaal lagu xuubto iyo
Maryaha xayxaydaniyo
Inaad xeerka loo dhanyahay
Xornimo guud lagu daray
Xaajadu manta taagantahay
======================
Ninkaan xilka saa u arag
Ninkii tiisa uun xagliya
Inaan xabashida ka galo
Xamaal intaan noqon lahaa
Xanuun adag aan galee
Xaqiiqadu sida ay tihiyo
Xiliba yaanan seexanoo
Xisaabiya guud nin iyo
==================
Xisbiga kuwa kala galee
Xiskoodu uu maal dadeed
Xatooyo ku tuusa ee
Xornimo laga jaray kasdood
Xukunka ay noo hayaan
Xanuunbuu nagu dilee
xamayti la miiray iyo
cunaha xiiq haw gashee
====================
Xaqiiqdii sida ay tahay
Dhawaan xaraardheere iyo
Xoloodi inaan u baxo
Xeebaha inaan furo sidii
Xilkii axmed guray u qabtee
Xamaasta uu doojin jiray
Inaan kolka xilo furaa
Inaan xiisad adag galaa
===================
Markaad xaragada istidhi
Warmooge xildhibaan ma garan
Markuu xiinku iga batee
Xisaabtii aan lahayn
Xornimo loo wada dhanaa
Xagaaga ku riixdaybaan
Xanaaqay sidii halyey
Xeebaga laga ooday oo
Xurmadii aan wada lahayn
Xusuusi naftadaa oo
Hadaad xeeldheere tahay
Intaanu xusul duubku badan
Intaan xaajadu adkaan
Xasaasi intayna galin
Intaan xamartaa fog iyo
Axmaaro Xareed u dirin
================
Xadaarad waxaan lahaa
Adaa xuubshay waa horee
Xadkayga intaanan xidhin
Xanuun kugu raaga iyo
Xagaagu intaanu iman
Xabiibi midaad lahayd
Xafiiska xisaabtu taal
Intaan xulad daba an sudhin
Xamuulka wax qaada iyo
Xaraashka aad soo wadaan
Intaanan xuluulin holac
================
Xasuusbaan kugu dilee
Kalhore waataad xangay
Xamaasta ku siisay xero
Markii xukunkii adkaa
Afweyne xusuuqay dumar
Inaad xarshid soo gasheen
Xaglaha aad wada xogteen
Xanaaqii kugu batiyo
Markaad u xadhaadhay sida
Xeebaha geela lagu dhaqaad
Xaraardheer wada korteen
Xornimo inaad wada heshaan
Xaraashkii aad gasheen
Xaqiiqdii waad hesheen
Xornimaad raadiseen
====================
Anana maanta xeeshu sida ay
tahay
Xagiibaad nagu wadaan.
Wuxuu Eebahay xarimay
Inay nagu xero gashaan
Xiskoodu haduu gartaan
Ka xuubritay xerada ay
Sidii xayawaan ugaad
Xadhkaha ay lana rabaan
Xusuusbay igu dishoo
Xalay hurdo maanan galin.
mohamoud Abdilahi Rooble
saylacnews- Seattle
comments: admin@saylac.com |
|
|
|
| |
|
